КіруМемлекеттік қызмет – елге деген адалдық пен үлкен жауапкершіліктің жолы
Мемлекет дамуының негізгі қозғаушы күші – білімді, білікті және ел болашағына бейжай қарамайтын азаматтар. Бүгінде елімізде осындай азаматтарға жол ашатын маңызды бастамалардың бірі – Мемлекет басшысының қолдауымен жүзеге асырылып жатқан Президенттік және өңірлік кадр резерві жобалары.
2024 жылдың қыркүйек айынан бастап Батыс Қазақстан облысының өңірлік кадр резервінің мүшесі болу мен үшін үлкен сенім мен жауапкершілік жүктеді. Бұл жоба жас мамандарға өз әлеуетін көрсетуге, кәсіби қабілеттерін дамытуға және мемлекеттік басқару саласына жаңа серпін беруге мүмкіндік береді.
Ең алдымен, осындай мүмкіндіктерді жастарға ұсынып отырған мемлекетке алғысымды білдіремін. Бұл бастама жастарға көрсетілген сенімнің және олардың еңбегі мен біліміне берілген бағаның көрінісі.
Өңірлік кадр резерві әр өңірдің ерекшелігін ескере отырып, жаңа буын басқарушыларын қалыптастыру мақсатында құрылған. Іріктеу бірнеше кезеңнен тұрды: заңнамалық білімді бағалау, жеке қасиеттерді анықтау, құзыреттерді бағалау, сұхбат және жобаларды қорғау. Бұл кезеңдер үміткердің тек білімін ғана емес, көшбасшылық қабілетін, ойлау жүйесін және жауапкершілігін де бағалауға мүмкіндік берді.
Менің мемлекеттік қызметтегі жолым 2012 жылы басталды. Батыс Қазақстан аграрлық-техникалық университетін «Ақпараттық жүйелер» мамандығы бойынша тәмамдап, кейін «Есеп және аудит» бағыты бойынша қосымша білім алдым. Еңбек жолым туған жерімде, Казталов ауданы әкімдігі аппаратында іс жүргізуші қызметінен басталып, жетекші маман, бас маман және персоналды басқару қызметі бөлімінің басшысы лауазымдарына дейін жалғасты. Қазіргі таңда өңірлік кадр резервінің мүмкіндігін пайдаланып, Батыс Қазақстан облысы әкімі аппаратының бас инспекторы қызметін атқарып келемін.
Мен үшін мемлекеттік қызмет – тек кәсіби сала ғана емес, халыққа қызмет ету мәдениеті. Әрбір шешімнің артында адамдардың тағдыры, қоғамның сенімі және мемлекеттің болашағы тұрады.
Бүгінгі мемлекеттік қызметші – цифрлық өзгерістерді меңгерген, ашық ойлайтын және қоғаммен тиімді байланыс орната алатын жаңа буын өкілі болуы тиіс.
Өңірлік кадр резервіне ену мен үшін жаңа мүмкіндіктердің бастауы ғана емес, алған білім мен тәжірибені ел игілігіне бағыттауға берілген жауапты мүмкіндік.
Самал Жусупова,
БҚО әкімі аппаратының бас инспекторы
Соңғы жаңалықтар
Батыс Қазақстан облысында «50 жаңа аула» экологиялық акциясы жалғасуда
Мемлекеттік қызмет көрсету сапасын арттырудағы цифрлық мониторинг
ІІМ: «Жас сақшы» сыныптарының алғашқы түлектері сертификат алып, заңға қызмет ету жолын таңдады
Батыс Қазақстан облысында дайын құжаттарды жеткізу бойынша жаңа сервис іске қосылды
Қауіпсіз жаз: БҚО бойынша ЭТТД қызметкерлері балаларды қаржылық сауаттылыққа үйретуде
Орал теміржол вокзалын жаңғырту жұмыстарының 97 пайызы орындалды
Оралда «Әулеттің алтын діңгегі – 2026» облыстық жас келіндер байқауының жеңімпазы анықталды
Сыбайлас жемқорлықтың алдын алу мәселелері бойынша түсіндіру жұмыстары жүргізілді
«Таза Қазақстан» акциясы аясындағы табиғатты қорғау полициясымен бір күн
Қазақстан мен Чехия полициясы ҚР және ТМД елдері азаматтарының жеке деректерін таратқан халықаралық арнаны жойды
Криптоәмияндар, транзакция және синтетика: ІІМ есірткі бизнесінің қаржылық және цифрлық схемаларына соққы жасауда
«Таза Қазақстан»: прокуратура органдарында цифрлық шешімдер енгізіліп, экологиялық бақылау күшейтілуде
«Сыбайлас жемқорлықсыз қоғам – жарқын болашақ кепілі» атты эссе байқауы қорытындыланды
День животноводов – признание вклада аграриев в продовольственную безопасность страны
«Әділет» партиясының филиалдары Қазақстанның барлық өңірінде құрылады
Бөкей хандығының 225 жылдығы аясында «BOKEI ORDA TRAIL» жүгіру жарысы өтті
10 мыңнан астам жұмыс орны және сенімді энергия: атом электр станциясын салудың негізгі артықшылықтары
