КіруПедагогтерді қолдап отыр
Бүгінде Казталов ауданында білім беру саласын дамытуға, оқушылардың сапалы білім алуына және мұғалімдердің кәсіби әлеуетін арттыруға ерекше көңіл бөлінуде. 2025-2026 оқу жылында аудан мектептерінде 1-11 сыныптар бойынша 5297 оқушы білім алып, 470 оқушы негізгі мектепті аяқтап, 338 түлек мектеп қабырғасымен қоштасып, үлкен өмірге жолдама алғалы отыр.
Биылғы оқу жылында 11-сынып бойынша 26 түлек «Алтын белгі» иегері атануға үмітті болса, 29 оқушы «Үздік аттестатқа» үміткер. Ал 9-сыныпты аяқтайтын 71 білім алушы үздік аттестатқа ұмтылып отыр.
Ауданның білім беру инфрақұрылымын жаңғырту бағытында да ауқымды жұмыстар бар. Соңғы үш жыл ішінде 5 жаңа мектеп пайдалануға беріліп, 2 білім ордасы күрделі жөндеуден өтіп, материалдық-техникалық базасы нығайып, оқушылардың сапалы білім алуына қолайлы жағдай жасалған. Дарынды оқушыларды тәрбиелеуде ерекше еңбек сіңіріп жүрген ұстаздар еңбегін ескеріпті. Оларды қолдау мақсатында аудан әкімдігінің бастамасымен республикалық пәндік олимпиадалардың жеңімпаздары мен олардың жетекшілеріне арналған арнайы салтанатты шара өтіп, онда І орын алған оқушының жетекшісіне 1 миллион теңге, ІІ орын иегерінің жетекшісіне 700 мың теңге, ІІІ орын иегерінің жетекшісіне 500 мың теңге көлемінде қаржылай сыйақы табыстаған. Сонымен қатар педагогтерге материалдық қолдау көрсетіліп, мал азығы жеткізілген.
– Бұл бастамалар –білім саласына көрсетіліп отырған қолдаудың нақты көрінісі. Өз кезегінде мұндай қолдау ұстаздардың кәсіби ынтасын арттырып, дарынды жастарды тәрбиелеуге жаңа серпін береді,- дейді Казталов ауданы әкімінің орынбасары Серік Қайырлиев.
Қазір Казталов ауданында 60 төсек-орынға арналған ауданаралық көпбейінді аурухананың құрылысы жүріп жатыр. Құрылыс жұмыстарының мердігері «Жайықсельстрой» ЖШС. Жобаның жалпы құны 6 млрд 855 млн теңгеден асады. Бұл жаңа нысан туралы да кейін жазамыз.
Өнері өркендеп, білімі мен руханияты дамыған Казталов өңірінде қолға алынған жобалар халық игілігіне қызмет етуде. Жүйелі жұмыстардың нәтижесі ауданның бүгінгі жетістігін айқындаса, жүзеге асырылып жатқан бастамалар оның ертеңгі өркендеуіне жол ашпақ.
Әдемі БАҚЫТЖАНҚЫЗЫ,
«Жайық ҮНІ»
Соңғы жаңалықтар
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты
«Жаңа қоғамдық этика: мәдениет, әдеп, әдет» республикалық форумы өтті
Барлық деңгейдегі мәслихат депутаттарының сайлауы 29 қарашаға белгіленді
Новый исследовательский реактор: инвестиция в технологии, кадры и будущее атомной науки
Мемлекет басшысы Бельгиялықтар Королімен және Патшайымымен бірге Ұлттық балаларды оңалту орталығына барды
Как Казахстан защищает радиоактивные материалы от диверсий и хищений!
Мемлекет басшысы барлық деңгейдегі мәслихаттардың өкілеттігін мерзімінен бұрын тоқтату туралы Жарлыққа қол қойды
Жаңа Конституция Қазақстанның сот жүйесі тәуелсіздігін нығайтуға бағытталған
