Кіру400 мыңнан астам кітап қоры бар
Осы айда Казталов ауданына іс сапармен барған кезімізде Казталов ауданы әкімінің орынбасары Серік ҚАЙЫРЛИЕВті сөзге тартып, соңғы жылдары ауданда жасалып жатқан мәдени жұмыстарды сұрап-білген едік.
– Ұлт руханиятының өзегі саналатын мәдениет саласы қай қоғамда да ерекше маңызға ие. Бұл бағытта Казталов ауданында атқарылып жатқан жұмыстар баршылық. 2026 жылдың алғашқы бес айында ауданда 522 мәдени-көпшілік іс-шара ұйымдастырылып, оған 33 300 тұрғын мен қонақ қатысты. Түрлі мәдени шаралар тұрғындардың рухани өмірін байытуға бағытталды. Ұлттық өнерді дәріптеп, тұлғалардың мұрасын насихаттапжәне туған жерден шыққан азаматтардың өнегелі өмір жолын кейінгі буынға үлгі ету мақсатында танымал актер, режиссер, жерлесіміз Тельман Имашевтың есімін Казталов аудандық халық театрына бердік. Бұл шешім марқұм Тельман ағамызға аудан жұртшылығының құрметі деп білемін. Талантты азаматтың шығармашылық мұрасын сақтап, насихаттау біздің борышымыз, – деді сұқбат барысында С. Қайырлиев.
Мемлекет басшысы Қасым-Жомарт Тоқаевтың «Кітап оқитын ұлт» идеясын жүзеге асыру мақсатында аудандық орталықтандырылған кітапханалар жүйесі түрлі мәдени-ағартушылық жобаларды қолға алуда. Солардың бірі – «Мен оқыған 30 кітап» байқауы. 2023 жылдан бері дәстүрлі түрде өтіп тұратын бұл жобаға оқушылар белсенді қатысқан. Үш жыл ішінде байқаудың аудандық кезеңіне 147 оқушы атсалысып, облыстық кезеңге 12 аудан мен Орал қаласынан үздік оқырман іріктеліпті.
Ауданда кітап оқу мәдениетін насихаттау мақсатында «Жылдың үздік оқырманы» байқауы, Ұлттық кітап күніне арналған онкүндік шаралар және «Бір ел – бір кітап» республикалық акциясы тұрақты өтіп тұрады. Биыл көпшілік оқуға ұсынылған Қабдеш Жұмаділовтің «Тағдыр» романы бойынша түрлі форматтағы әдеби-танымдық іс-шаралар өтуде. Жұбан кітапханасының 155 жылдығы шеңберінде қолғаалынған «Бір кітап – шексіз мүмкіндік» жобасы оқырмандарға әдеби мұраны жаңа форматта таныстыруға жол ашса, «Бас кітапхана – ортақ мұра, ортақ тарих» жобасы аясында «Өткенді сақтай отырып, болашаққа беттеген Жұбан кітапханасы» мәдени шарасы кітапхана тарихын дәріптеуге арналмақ.
Казталов аудандық орталықтандырылған кітапханалар жүйесіне қарасты 38 кітапхана үзбей жұмыс істеп тұр. «Қазақстан халқына» қоғамдық қорының қаржылық қолдауымен Казталов аудандық орталық кітапханасы, Жалпақтал және Ақпәтер ауылдық модельді кітапханалары заман талабына сай жаңартылған.
Жазып алған Ә.БАҚЫТЖАНҚЫЗЫ,
«Жайық ҮНІ»
Соңғы жаңалықтар
«Мақат – Индербор – Сәтимола» бағытындағы теміржол инфрақұрылымның құрылысы басталды
Президент Қасым-Жомарт Тоқаев құтқарушыларға мемлекеттік марапаттар тапсырды
Жаңақала ауданында коммуналдық инфрақұрылымды жаңғырту жұмыстары жалғасуда
Қазақстан ТЖМ әлеуетін арттыруда: жаңа технологиялар, заманауи техника және құтқару инфрақұрылымын дамыту
Батыс Қазақстан облысының Орал қаласында ауыл шаруашылығы тауарын өндірушілердің кезекті жәрмеңкесі өтті
От идеи к производству: как изменились возможности казахстанского бизнеса за семь лет
Қасым-Жомарт Тоқаев пен Ильхам Әлиев Транскаспий талшықты-оптикалық байланыс желісін іске қосу рәсіміне қатысты
«Жаңа қоғамдық этика: мәдениет, әдеп, әдет» республикалық форумы өтті
Барлық деңгейдегі мәслихат депутаттарының сайлауы 29 қарашаға белгіленді
Новый исследовательский реактор: инвестиция в технологии, кадры и будущее атомной науки
Мемлекет басшысы Бельгиялықтар Королімен және Патшайымымен бірге Ұлттық балаларды оңалту орталығына барды
Как Казахстан защищает радиоактивные материалы от диверсий и хищений!
