КіруРүстем ҚАЙЫРТАЙ: «Қос аяқты шайтан мініп жүр демесін деп…»
5 наурыз күні Орал қаласында «Азаттықтың ақ таңы» атты республикалық ақындар айтысы өтті. Осы атйыста түркістандық Бекарыс Шойбеков пен Алматы қаласы атынан шыққан Рүстем Қайыртайдың жұбы көрерменді өзіне бірден үйіріп әкетті. Бұл жұп берілген тақырыпқа орай ұтымды сөзбен ой жарыстырды. Қазіргі қоғамдағы өткір мәселелер – ана тілімізге құрмет, дәстүрлі дінді сақтау, жер мен жол секілді алуан тақырыптар әсіресе, Рүстемнің аузынан жыр шумақтары болып төгілді. Сондай-ақ ақындар Елбасының «Ұлы даланың жеті қыры» мақаласын айтыстарына арқау етті. Бекарыстың Алматы әкімінің велосипедпен жүру туралы бастама көтеріп, тұлпар мінуге қатысты айтпағанын тілге тиек еткен шумақтарына Рүстем Қайыртайдың жауабы:
« …Басшымыз айтқан сөзді елесе деп,
Кептелістің тасқынын бөгесе деп
Бір шетте жүрсің бе деп велосипедпен,
Жоқ аға, өйткен жоқпын егесе кеп,
Әкімім велосипедке мінбесе де
Дейсіз бе мінбейтінін неге себеп?!
Аға, оның мәнісі әрі де ғой.
Жаңа себеп емес ол, көне себеп.
Тақымың болмай-тұғын темір вип
Су ішіп, майын құйған жемесе деп.
Содан ба екен қазекем шайтан арба
деп ат қойыпты кеңесе кеп.
Елбасы мақаласын жақсы айттыңыз,
Жылқы жайлы жазғанын көрсе екен деп.
Туристер көп келетін Алматыға
Амалсыз мінбей жүрмін велосипед.
Төрт аяқты атқа мінген қайран қазақ,
Қос аяқты шайтан мініп жүр демесін деп.
…Жылқы деген қазақтың жолдасы еді
Ерлермен бірге жасап келе жатқан.
Хандарда қара қасқа тұлпар бопты
Қырық күн жем жеместен желе жортқан
Байшұбар Алпамысты жауға бермей,
Тайбурыл Қобыландыны демеп отқан.
Абылай Алшанбозбен ел бастаса,
Қабанбай Қубас мініп, беделі артқан
Мінгені Исатайдың Ақтабаны-ай,
Сол өнерді баптаған сирек аттан.
Сұмдықтың бәрін білген Голощекин
Жылқыларды жиып ап жерден атқан
Айырып азаматты қазанаттан
Жазықсыз жұртты сонда жазалатқан», – деп тарихты қозғады.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу