КіруБекарыс ШОЙБЕКОВ: «Алты Алаш атқа мініп жатқан кезде Алматы велосипедпен дөңгелейді»
5 наурыз күні Орал қаласында «Азаттықтың ақ таңы» атты республикалық ақындар айтысы өтті. Бұл айтыста Алашқа есімі мәшһүр түркістандық Бекарыс Шойбеков Алматы қаласы атынан шыққан Рүстем Қайыртаймен айтысты. Қазіргі қоғамдағы өткір мәселелерді қозғағаған ақындар Елбасының «Ұлы даланың жеті қыры» мақаласын айтыстарына арқау етті. Қарсыласына қарата Бекарыс ақын:
«Жеті қырдың ішінде Елбасымыз
Атқа міну өнерін белгілейді.
Алматының әкімі керісінше,
Тұлпар жайлы көсіліп сөйлемейді.
Кептелістен шығудың бір амалы –
Велосипедпен жүрейік деп сөйлейді.
Алты Алаш атқа мініп жатқан кезде
Алматы велосипедпен дөңгелейді.
Екеуі де жақсы ғой мінем десе,
Себебі екеуі де май жемейді.
…Алтын домбыра айтысы
ертеде өткен,
Астанадай арайлы өлкеде өткен
Ақындар мініп алып арғымаққа.
Екі-үш күндік өмірін көркем еткен.
Бар ақынның тұлпар мініп жүргендігін,
Төбесінен көрсетті вертолетпен.
Жансая ақ түйеге мініп алып,
Батыстың абыройын еңселі еткен
Жүкең де Байшұбарға мініп алып,
Алпамыс жырын оқып, еңселі еткен.
Бірақ, сенің қараңды көре алмадық,
Ақын едің ел-жұрты еркелеткен
Жоқ әлде шапаның мен шалбарыңды
Атқа міну жағына өлшемеп пе ең,
Айтпақшы, Алматыда заң басқа ғой
Әкімнің тапсырмасы осылай деп –
Бір шетте жүрдің бе әлде велосипедпен?», – деп ой қозғады.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу