КіруДӘРІГЕР С.СҮНДЕТОВА БАЛА КҮТІМІНЕ БАЙЛАНЫСТЫ ТӨЛЕНЕТІН ЖӘРДЕМАҚЫНЫ ҮШ ЖЫЛҒА ҰЗАРТУ ҚАЖЕТІН АЙТТЫ
Дәрігер мамандығын таңдап «Дипломмен ауылға» бағдарламасымен облыс орталығынан шалғай ауылдарының біріне жұмысқа барған Сәбира Сүндетова дамуында ақауы бар балалардың жайына алаңдайтынын айтады. Сондай-ақ ауыл медицинасы мен қала медицинасы арасындағы алшақтықты азайту үшін облыс орталығынан шалғай жатқан ауылдарға медициналық көмекті барынша жетілдіру туралы ұсыныстарын 17 қарашада «Nur Otan» партиясы БҚО филиалының кезектен тыс XXVI конференциясында бөлісті.
Бүгінгі күні Тайпақ ауылдық ауруханасының меңгерушісі қызметін атқаратын Сәбира Сүндетованың мамандығы – педиатор, қосымша профпатолог.
«Тәжірибемде кездескен бір оқиғамен бөліскім келеді. Жас маман болып ауылға келген кезде мүгедек баланы қарадым. Сегіз айлық болатын. Титімдей ғана жүрегінде бес даму ақауы бар. Тез арады осы баланы Ұлттық кардио-хирургиялық орталыққа жеткізіп, алты этапты отадан өткіздік. 700-1000 граммдық сәбилердің дүниеге келуіне 1 пайыз болса да себебім тигеніне шын жүректен қуанамын. Мен мұндай балалардың өміріне бейжай қарай алмаймын. Мұндай мысалдар ауылдық жерлерде жеткілікті. Сондықтан да менің басты мақсатым – салауатты өмір салтын насихаттай отырып, әр тұрғынның өз денсаулығына жауапкершілігін арттыру, сапалы өмір сүру деңгейін жақсарту, денсаулық сақтау мен білім беру саласында үздік әлеуметтік стандарттарға қол жеткізу, аудан, облыс орталығынан шалғай жатқан ауылдарға медициналық көмекті барынша жетілдіру. Шешілмес сұраққа айналған кадр мәселесін оңтайландыру. Бала күтіміне байланысты төленетін жәрдемақыны үш жылға дейін ұзартуды ұсынамын. Себебі демографияның басым бөлігі ауылдан шыққандықтан, ана мен баланың денсаулығына назар аудару қажет. Қоғамда болып жатқан өткір мәселелерді ескере отырып, «қала медицинасы», ауыл медицинасы» деген алшақтықты барынша азайту. Мүгедек бала тәрбиелеп отырған ата-аналардың әлеуметтік мәселелерін шешу – басты назарда. Шалғай ауылдарда мүгедектерге психологиялық, коррекциялық, логопедтік орталықтар қолжетімсіз болғандықтықтан инклюзивтік білім беру үшін барлық жағдай жасалуы қажет», – дейді Сәбира Өмірғалиқызы.
Сондай-ақ жас мамандардың ауылдық ерлерде тұрақтануы үшін үй мәселесі, жоғары жалақымен қоса біліктілігін шыңдау, жастар бастамаларын барынша қолдай отырып, олардың тегін оқып, мамандық алуына ықпал етілуін айтты. Тек қана медицина саласы емес, еліміздің әлеуметтік-экономикалық мәселелері, атап айтсақ, елдімекендерге интернет жүйесін орнату, таза ауыз су мәселесін шешу, отандық өнім шығаратын жаңа кәсіпорындар ашуға ықпал ету, ауыл кәсіпкерлеріне қолдау көрсету назарда.
Айта кетейік, 17 қарашада «Nur Otan» партиясы БҚО филиалының кезектен тыс XXVI конференциясы өтіп, ҚР Парламенті Мәжілісі және мәслихат депутаттығына үміткерлер анықталды. Дауыс беру нәтижесінде ең көп дауыс жинаған үш кандидат конференция шешімімен ҚР Парламенті Мәжілісінің өңірлік квотасына сәйкес партиялық тізімге енгізу үшін съезге ұсынылды. Конференция депутаттарының дауыс беруі қорытындысымен 120 дауыс жинаған Мәлік Құлшар, 116 дауыспен Жаңабек Жақсығалиев, 109 дауыспен Сәбира Сүндетова үздік үштікке ілікті.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу