КіруЖ.ЖАҚСЫҒАЛИЕВ ХАН ТОҒАЙЫНА ТАРИХИ СӘУЛЕТТІК ЕСКЕРТКІШТЕР ОРНАТУДЫ ҰСЫНДЫ
М. Өтемісов атындағы Батыс Қазақстан университетінің доценті, тарих ғылымдарының кандидаты Жаңабек Жақсығалиев Батыс Қазақстанда туристік кластерді дамытуға қатысты ойларымен бөлісті. Бұл туралы 17 қарашада «Nur Otan» партиясы БҚО филиалының кезектен тыс XXVI конференциясында айтты.
«Сайлауалды бағдарламамның бірінші басым бағыты – Орал өңірінің бай тарихы мен мәдениеті. Жайық қалашығын – ашық аспан астындағы мұражайға айналдыру. Біз Көне Сарайшықты, көне Таразды, Түркістанды білеміз. Басқа жерге барсақ, кішкентай нәрсені шоқтай етіп қояды. Сондықтан бұл мәселені көптен айтып жүрміз – туристік кластерге айналдыру. Екінші мәселе – Хан тоғайында тарихи сәулеттік ескерткіш орнату. Көптеген хандардың құлпытастары табылды. Ол жерлерге бару халыққа қиын. Сол құлпытастарының макетін жасап, сол жерде саябақ жасасақ деген ұсынысымыз бар. Сонымен бірге Әбілқайыр, Нұралы, Ералы Бөкей, Жәңгір хандарға композиция қойсақ, Елбасы Нұрсұлтан Әбішұлының «Ұлы даланың жеті қыры» мақаласындағы «Аспан астындағы ұлыларымыздың жетістігін насихаттайтын оқу-энциклопедиялық саябағын бастаймыз» деген дүниемен үйлесіп кетер еді», – деді тарихшы.
Сондай-ақ демократия – қазақтың қанында бар құбылыс екенін атап өткен Жаңабек Жаңабайұлы халық үніне құлақ асатын мемлекет тұжырымдамасын дамытуға қатысты ұсынысын білдірді.
«Қазақ айтады: «Бас кеспек болса да, тіл кеспек жоқ», «Алар жағым кетсе де, айтар жағым кетпесін», «Халық айтса, қалып айтпайды», «Әкім бол, халқыңа жақын бол», «Халық қаласа, Хан түйесін сояды» деп кеткен ата-бабаларымыз. Nur Otan партиясы ұйымдастырған праймериз де сан ғасырлар бойы қазақтың жинақталған саяси санасының заманауи жаңғырығы десек еш артық айтқанымыз емес. Ол үшін билікті қоғамдық бақылау тетіктерін мемлекет жан-жақты кеңейтуі керек. Тарқатып айтсақ, Үкіметтік емес ұйымдарының белсенділігін арттыру, ашық есік және ашық тыңдауларды жиірек ұйымдастыру. Әсіресе, биліктің халыққа жақындығын арттыру үшін әлеуметтік мәселелердегі комиссияларға қоғам белсенділерін жиі тарту», – деп қазіргі уақытта билік пен бұқара арасында алтын көпірге айнала бастаған әлеуметтік желіні де назарда ұстау қажеттігін айтты.
Бұдан бөлек трансшекаралық өзендер мәселесін мемлекеттік деңгейде шешу және өңірімізде тұщы су көздеріне байланысты терең ғылыми зерттеу ұйымдастыруды ұсынды.
Айта кетейік, 17 қарашада «Nur Otan» партиясы БҚО филиалының кезектен тыс XXVI конференциясы өтіп, ҚР Парламенті Мәжілісі және мәслихат депутаттығына үміткерлер анықталды. Дауыс беру нәтижесінде ең көп дауыс жинаған үш кандидат конференция шешімімен ҚР Парламенті Мәжілісінің өңірлік квотасына сәйкес партиялық тізімге енгізу үшін съезге ұсынылды. Конференция депутаттарының дауыс беруі қорытындысымен 120 дауыс жинаған Мәлік Құлшар, 116 дауыспен Жаңабек Жақсығалиев, 109 дауыспен Сәбира Сүндетова үздік үштікке ілікті.
Эльмира НҰҒМАНОВА,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу