КіруЖЕРЛЕСІМІЗДІҢ ЖЕҢІСІ
Бокстан Шымкентте өтіп жатқан Қазақстан чемпионатында жерлесіміз Даниял Сәбит 49 келіде ел чемпионы атанды. Ол финалдық сында бес дүркін ел чемпионы атанған Теміртас Жүсіповпен қолғап түйістіріп, тәжірибелі боксшыны ұтып кетті.
Ақмола облысының өкілі Теміртас Жүсіпов – 32 жаста. Ал Даниял Сәбит 18 жаста ғана. Әрі финалға шыққан спортшылардың ең жасы екенін атап өту керек. Үш раундтық бәсекеде төрешілердің бірауыздан шешімімен Даниял Сәбит Қазақстан чемпионы атанды.
«Қазақстан чемпионаты басталғанша жастар арасындағы оқу-жаттығу жиындарына қатыстым. Ең негізгі мақсатым – біріншілікте жүлдеге ілігу болатын. Чемпион боламын деп ойлаған жоқпын. Қуанышқа қарай, ақтық сында өте тәжірибелі спортшы Теміртас Жүсіповті жеңіп кеттім. Қуанышымда шек жоқ. Бапкерлердің нұсқауын орындау арқылы ұттым деп ойлаймын. Өйткені, қарсыласым қарымды әрі жасы да үлкен. Ара қашықтықты жақсы сезінеді. Бала кезімде өзімнің кумирім болған боксшы. Сондықтан, қазіргі сезімімді сөзбен жеткізе алмаймын. Осы орайда, маған қолдау білдірген барша жанкүйерге, тума-туыстарыма және осы жарысқа жетелеп әкелген бапкерлеріме ерекше алғыс айтамын», – деген екен olympic.kz сайтына ересектер арасындағы алғашқы жеңісіне қатысты сұхбат берген Даниял Сәбит.
Даниял Сәбит – Ақжайық ауданы Алғабас ауылының тумасы. Орал қаласында оқыған. 2018 жылдан бері Орал қаласы Оқушылар сарайындағы Д.Елеусінов атындағы бокс орталығында жаттығып жүр. Жаттықтырушысы – Бокстан БҚО бойынша аға жаттықтырушы Саттар Сұлтанғалиев. Қазақстан Республикасының спорт шебері.
Жерлесімізді жеңісімен құттықтап, спорттағы жеңісті жолының жалғаса беруін тілейміз.
zhaikuni.kz
Версия для печатиСоңғы жаңалықтар
Жұмыс орындары, экология, баспана және отандық өндіріс: партиялар 17 тамызда не туралы айтты?
БҚО-да Құрылтай сайлауын өткізу бойынша ұйымдастыру шаралары тиісті деңгейде жүргізіліп жатыр
ОО «Atamnyn amanaty» принимает заявки на поиск погибших и пропавших без вести солдат и офицеров в годы Второй Мировой войны
Государство не ограничивает свободу слова, а защищает ее – Аида Балаева
Өнер мен мәдениетке көрсетілген құрмет – ұлт руханиятына жасалған қолдау
Жалған ақпаратқа қарсы орталық: Құрылтай сайлауы қарсаңында фейктер көбейді
«Тиімді басқару, сабақтастық және «Адал азамат» құндылықтары»: облыс педагогтерінің тамыз кеңесінде өзекті мәселелер талқыланды
Кім егістікке, кім зауытқа барды, ал кім алғашқы конгресті өткізді
Пікір үстеу