КіруОрал теміржол вокзалын жаңғырту жұмыстарының 97 пайызы орындалды
Батыс Қазақстан облысында теміржол инфрақұрылымын жаңғырту бағытындағы жұмыстар қарқын алып келеді. Соның ішінде Орал қаласындағы теміржол вокзалын қайта жаңарту жобасы мәресіне жақындап, бүгінгі таңда жұмыстардың 97 пайызы орындалған.
Жаңғырту нәтижесінде жолаушыларға көрсетілетін қызмет сапасын арттыру көзделген. Вокзал ғимаратында жаңа үлгідегі күту залдары жабдықталып, заманауи ақпараттық және бағыт-бағдар беру жүйелері енгізілді. Сонымен қатар төрт эскалатор мен үш жеделсаты орнатылып, перронға шығуды жеңілдететін конкорстық өткел пайдалануға берілмек. Енді жолаушылар бұрынғыдай жерасты өткелі арқылы емес, тікелей перронға өте алады.
Нысандағы инженерлік-коммуникациялық желілер толық жаңартылып, айналасын абаттандыру жұмыстары да қатар жүргізілуде. Бұл шаралар жергілікті бюджет қаражаты есебінен жүзеге асырылмақ.
Құрылыс барысын бақылау мақсатында облыс әкімі Нариман Төреғалиев нысанға арнайы барып, жауапты мердігерлерге бірқатар міндет жүктеді. Аймақ басшысы жұмыс сапасын қатаң сақтауды талап етіп, ана мен балаға, сондай-ақ мүмкіндігі шектеулі азаматтарға қолайлы орта қалыптастыруға ерекше назар аударды.
Орал теміржол вокзалын жаңғырту жобасы өңірдің көлік инфрақұрылымын дамытуға серпін бермек. Заманауи талаптарға сай жабдықталған нысан жолаушыларға қолайлы жағдай жасап қана қоймай, облыстың транзиттік әлеуетін арттыруға да ықпал етеді. Жоба толық аяқталғаннан кейін вокзал тұрғындар мен қала қонақтарына сапалы қызмет көрсететін заманауи көлік торабына айналмақ.
Өңірде бұл бағыттағы жұмыстар тек Орал қаласымен шектелмейді. Шыңғырлау ауданында жаңа теміржол вокзалы бой көтеріп жатса, Бөрлі мен Тасқала аудандарындағы теміржол бекеттерін күрделі жөндеу жұмыстары аяқталуға жақын. Теміржол нысандарын жаңғырту барысы облыс әкімдігінің тұрақты бақылауында.
Ә.Бақытжанқызы
Соңғы жаңалықтар
Свыше 1900 ИИ-фильмов из более чем 90 стран поступило на Astana AI Film Festival
ӨЗ САЙЛАУ УЧАСКЕҢІЗДІ ҚАЛАЙ ОҢАЙ ТАБУҒА БОЛАДЫ? ОНЛАЙН-СЕРВИС ІСКЕ ҚОСЫЛДЫ
БҚО-да жол қозғалысы ережесін сақтамаған жүргізуші жауапқа тартылды
160 мың мұғалімге ChatGPT Edu: теледебаттың басты тақырыбы – білім мен жасанды интеллект
Әдеп жөніндегі кеңесте білім беру саласындағы сыбайлас жемқорлық тәуекелдері қаралды
Экология, өндіріс және медицина: партиялардың сайлау науқанында көтерген басты тақырыбы қандай?
Теректі ауданында «Адал еңбек – адал табыс» атты экологиялық акция өтті
Шыңғырлау ауданында мемлекеттік қызметшілер арасында тимбилдинг іс-шарасы өтті
Шағырлой ауылында «Әділдік пен адалдық – өмірлік ұстаным» атты таным сағаты өтті
«Сайлау-2026: жаңа саяси конфигурациядағы өңірлер» тақырыбында «КИСИ GPS: Gylym. Pikir. Sayasat» ұлттық сарапшылық алаңының отырысы өтті
Ең төменгі жалақы, алимент, экология: жеті партия сайлаушылармен нені талқылап жатыр?
Елімізде жаз басталғалы бері қайта жаңғыртудан өткен 70 теміржол вокзалы ашылды
