КіруБір әулет – бір мақсат: заң мен тәртіпке қызмет
Ішкі істер органдарында қызмет ету – үлкен жауапкершілік пен адалдықты талап ететін мамандық. Осындай абыройлы қызметті таңдаған жас мамандардың бірі – Шынтаевтар отбасы. Заң саласында білім алып, бүгінде ел тыныштығы мен қоғамдық қауіпсіздікті қамтамасыз ету жолында еңбек етіп жүрген бауырлар өз қызметтерін адал атқаруда.
Шынтай Әсем Жомартқызы 1997 жылдың 15 қыркүйегінде Батыс Қазақстан облысы Казталов ауданы Казталов ауылында дүниеге келген. 2022 жылы Қазақстан инновациялық және телекоммуникациялық жүйелер университетін «Құқықтану» мамандығы бойынша тәмамдаған. Сол жылы ішкі істер органдарына қабылданып, еңбек жолын Казталов аудандық полиция бөлімінің әкімшілік практика тобының инспекторы қызметінен бастады. Кейін Екінші арнайы топтың инспекторы болып қызмет атқарып, қазіргі таңда Қоғамдық қауіпсіздік бөлімінің учаскелік полиция инспекторының көмекшісі, полиция аға лейтенанты лауазымында қызмет етеді.
Шынтаев Жандаулет Жомартұлы 2001 жылдың 20 наурызында Казталов ауылында дүниеге келген. 2022 жылы Батыс Қазақстан инновациялық-технологиялық университетін «Құқықтану» мамандығы бойынша тәмамдап, сол жылы ішкі істер органдарындағы қызметін әкімшілік полиция бөлімінің азаматтық және қызметтік қару айналымын бақылау тобының инспекторы ретінде бастады. 2024 жылдың мамыр айынан бастап қазіргі уақытқа дейін Казталов аудандық полиция бөлімінің тергеушісі, полиция аға лейтенанты қызметін атқарып келеді.
Қызмет барысында көрсеткен кәсібилігі мен жауапкершілігі үшін Шынтаевтар отбасының мүшелері бірнеше мәрте Батыс Қазақстан облысы Полиция департаменті бастығының, аудан әкімінің және аудандық полиция бөлімі бастығының Алғыс хаттары мен грамоталарымен марапатталған.
Заңға деген құрмет пен халыққа қызмет етуге деген ұмтылыс – Шынтаевтар отбасының басты ұстанымы. Бір әулеттен шыққан қос тәртіп сақшысы бүгінде ел қауіпсіздігі жолында абыроймен қызмет атқарып, жас мамандарға үлгі болуда.
Соңғы жаңалықтар
ҚР Ауыл шаруашылығы министрі Айдарбек Сапаров өңірдегі «Кублей» ет өңдеу кәсіпорнының өндірістік әлеуетімен танысты
Орал қаласының әкімі Мұрат Байменов БҚО дәстүрлі садақ ату федерациясының президенті болып сайланды
Физикадан тарихи триумф: Қазақстан әлемнің ең беделді олимпиадасында бес алтын иеленді
Робот-собака, Тәртіпбек и Тазабек на «BaiQymyz–2026»: акцию «Закон и порядок» провели на гастрофесте в Астане
Қала аумағында абаттандыру талаптарының сақталуына бақылау күшейтілді
Орал қаласының мәдениет және тілдерді дамыту бөлімінің басшысы тағайындалды
Сыбайлас жемқорлықтың алдын алуға бағытталған тағылымды іс-шаралар өткізілді
«Әділет» партиясы Сайлауалды бағдарламасы мен Құрылтай депутаттығына кандидаттардың партиялық тізімін бекітті
Астанада «Әділет» партиясының кезектен тыс III Съезі өз жұмысын бастады
«Әділет» партиясында білім беру, мәдениет және креативті индустрияны дамыту мәселелері талқыланды
