КіруҚ.РАХМЕТОВ: «ТӘКАППАР АДАМНЫҢ ОБРАЗЫН ШЫНАЙЫ ӨМІРДЕН ІЗДЕДІМ»
20 мамыр күні Орал қаласындағы Х.Бөкеева атындағы облыстық қазақ драма театрында Тасқала аудандық халық театры жазушы, Халықаралық «Алаш» әдеби сыйлығының иегері Мира Шүйіншәлиеваның «Ар азабы» драмасын сахналады. Мағжан Жұмағалиевтың режиссерлығымен сахнаға шығарылған туындыда Тасқала ауданындағы «Намыс» жастар қоғамдық бірлесітгінің төрағасы Қамбар Рахметова бай, кез келген мәселені ақшамен шешуге дайын әке Аянның рөлін сомдады.
– Бұл, халық театрындағы екінші рөлім. Бәріміздің негізгі жұмысымыз басқа. Бірақ, біздің бір бүйіріміз сахнаға тартып тұрады. Бала кездегі арманым болған актерлікті дипломсыз-ақ шамам келгенше көтеріп жүрмін. Режиссеріміз «рөлді өзің сезінбейінше, бойыңа сіңірмейінше, халыққа жеткізе алмайсың» деді. «Ар азабында» маған қалталылармен ғана достасатын, тәкаппар, қыдырымпаз, барлық мәселені ақшамен шешетін, үйдегі ұлы әкесімен бәсекелесіп байлық қуса, қызы Бота тәрбиеден жұрдай әкенің рөлі тиді. Мен шынайы өмірден осы образды іздедім. Расында біздің қоғамда шіренген байсымақтар көп. Солардың іс-әрекеттерін «ұрлап» бойыма сіңіруге тырыстым. Топтық дайындықтан бөлек, көшеде, үйдегі айнаның алдында қимыл-қозғалысымды, әр сөзімді жүйелеп, жеке дайындық жүргіздім. Маған қиындық туғызғаны, қызымның өзгеден аяғы ауыр болып, алданып қалғанын естіген сәтті көрсету болды. Біреудің сүттен ақ, судан тұнық баласы Ғаділбектің кластасы болған қызыма аяқ астынан алданып қалғаны, маған асығыс той жасатқаны жүрегімді ауыртты. «Бөріктінің намысы бір» деген, күйеубалам Ғаділбекті ақшасы жоқ, кітаптан бас алмайтын оқымысты деп менсінбесем де оның алдында өзімді кінәлі сезіндім. Аян болып образға енген сайын Ғаділбектің тағдырын ойлап, күйзеліске түстім. Мұндай оқиғалардың өмірде көп кездесетіні рас.
Ауданда сахналаған бір бөлек те, облыстық театрда қалың жұртшылықтың қошеметіне бөленудің сезімі ерекше екен. Зал толы көрерменнің ұзақ қол соққанынан көңілім марқайып, өзіме разы болдым, – дейді Қамбар.
Жазып алған: Е.АСХАТҚЫЗЫ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу