КіруОРАЛДА ЕЛІМІЗГЕ ЕҢБЕГІ СІҢГЕН ЖАТТЫҚТЫРУШЫ МАРАТ СҮНДЕТҰЛЫ АТЫНДАҒЫ СПОРТ КЕШЕНІ АШЫЛДЫ
«Қала күні» мерекесі аясында бүгін, 24 қыркүйек күні Орал қаласында грек-рим күресінен Қазақстанға еңбегі сіңген жаттықтырушысы Жұмашев Марат Сүндетұлы атындағы спорт кешені ашылды. Жеке инвестиция есебінен салынған нысанның ашылуына қала әкімі А.Шыныбеков, облыстық дене шынықтыру және спорт басқармасының басшысы Қаймен Есендияров, Марат Сүндетұлының жары –Нұрзипа Хангерейқызы мен ұрпақтары және шәкірттері қатысты.
Бұл нысан – оралдық кәсіпкер, грек-рим күресінің балуаны, Қазақстанға еңбегі сіңген жаттықтырушы Мұрат Жұмашевтың шәкірті Төлеген Досболатовтың жеке қаржысына салынған. Даму келешегі зор қаланың солтүстік-шығыс ауданынан салынған спорт кешенінде грек-рим күресінен жаттығу өткізуге басымдық берілмек. Сондай-ақ аумағы 35х17 метр болатын футбол, волейбол, баскетбол ойындарына арналған зал бар. Әрқайсысы 50 адамдық киім ауыстыру бөлмесі, душ бөлмесі бар. Жаттығушылардың жеке заттары мен киімдері үшін құлыпталатын сөрелер қойылған. Нысанда бір мезетте 100 адам жаттыға алады.
Қала басшысы Абат Шыныбеков Орал қаласының күніне орай апта бойы әр түрлі әлеуметтік, экономикалық іс-шаралар жоспарланғанын атап өтіп, соның ішінде «Қала күніне» тарту жасаған кәсіпкер Төлеген Досболатовқа ризашылығын жеткізді.
– Шаһардың солтүстік-шығыс ауданы алып құрылыс алаңына айналды. Бұлардың бәрі осы ауданды дамытуға мүмкінлік берер бастама. Мемлекет есебінен тұрғын үйлер құрылысы жүргізілуде коммуникациялық желілер тартылып, әлеуметтік нысандар бой көтеруде. Болашақта емхана да салынады. Жақында ғана мектеп-гимназияның сәулетті ғимараты пайдалануға берілсе, енді міне патриот азаматтарымыз жаңа спорт ғимаратын ашып отыр. Кәсібінен тапқан қаражатты ұрпақтың саулығы үшін маңызды әлеуметтік нысан салуға жүмсаған азаматтардың ісі өзегелерге үлгі. Басты мақсат – өскелең ұрпаққа салауатты өмір салтыну ұстануға бағыт беру, әлем, олимпиада чемпиондарын тәрбиелейтін маңызды залға айналу, – деді қала әкімі Абат Абайұлы.
Облыстық дене шынықтыру және спорт басқармасының басшысы Қаймен Есендияров бұқаралық спортты дамыту мақсатында өңірдегі спорт нысандарының қатарын толықтырған Төлеген Досболатовқа алғыс хат табыс етіп, кешенге спорттық ойын құралдарын ұсынды. Марат Сүндетұлының шәкірті, грек-рим күресінен спорт шебері, ардагер-спортшы Қанат Ғалиев ұстаздың есіміне спорт кешенін ашқан Төлеген Досболатовқа, ата-анасына алғысын айтты. Сондай-ақ Марат Сүндетұлының жары Нұрзипа Хангерейқызы кәсіпкер азаматтың иығына шапан жапты.
Кешен Привольная көшесі 45 мекенжайында орналасқан.
Айта кетейік, сондай-ақ бүгін Орал қаласында жаңа жүгіру жолы пайдалануға беріліп, «Достық» спорт кешені ашылды.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу