КіруШАҢЫРАҚТЫҢ ШАТТЫҒЫН ЕСЕЛЕГЕН ҮШЕМДЕР
Оралда дүниеге келген үшемдер кеше, 3 мамыр күні ауруханадан шықты. Сәбилердің бауы берік болуын тілеп, біз де бүгін арнайы Сағындықовтардың қуанышына құтты болсын айта бардық.
Осыдан бір ай бұрын Сағындықовтар әулетінде үшем дүниеге келген еді. Көпұрықты жүктілікке байланысты сәбилердің салмағы аз болған. 1,3, 1,5, 1,7 келі болып дүние есігін ашқан сәбилер анасымен бірге облыстық перинаталдық ауруханаға жатқызылып, тура бір ай дәрігерлердің бақылауында болды. Жағдайлары жақсарып, 2 келіден аса салмақ жинаған соң, дәрігерлердің шешімімен ауруханадан шығарылды.
– Жүктілігімнің 14 аптасында УДЗ-ға түскенімде үшем болатынын білдім. Сол уақыттан бері отбасымызбен асыға күттік. Сол кезден бастап перинаталдық орталық есепке алып, №6 қалалық емхана қызметкерлері жүктілігімді бақылауда ұстады. Бірінші жаратушының, екінші ақ халаттылардың арқасында балаларымыз аман-есен дүниеге келіп, жағдайлары жақсарды. Бізге көмектескен перинаталдық орталықтың қызметкерлеріне алғысымды білдіремін, – деді үшемнің анасы Дина Хамзина.
Дина мен Қанат Ғұпрановтың үлкен қыздары Қарлығаш – №38 мектеп-гиназиясының 7-сынып оқушысы, одан кейінгі қыздары Назерке мен Қарагөз – А.Байтұрсынов атындағы орта мектептің 2 және 1 сынып оқушылары, ұлдары Нұршат – 1,5 жаста. Отбасының базарын толтырар үшемге – Көзайым, Жанайым, Бегайым есімдерін берген. Үйдің үлкен қыздары сәбилерді өзара бөлісіп, меншіктеп алған. Кішкентайларды қарауға ата-әжесі де көмектесуде.
– Үйіміз толып, қуанудамыз. Дендері сау болып, әдепті, тәрбиелі, ибалы қыз болып өсіп кетсе деген тілегіміз бар. Ата-ананың басты арманы – балаларының амандығы ғой. Біздің де тілегіміз – осы, – дейді жеті баланың әкесі Қанат Ғұпранов.
Кеше үйлеріне шыққан бөбектерді бүгін учаскелік дәрігер алғаш рет патронаж жасап, жағдайларын тексерді. Қазіргі уақытта қыздар 2,2, ,2,1, 3 келіден салмақ жинаған.
– Жағдайлары қалыпты. Ауруханадан тиісті екпелерін алып шықты. Алдағы уақытта да жағдайларын қадағалап, тұрақты түрде бақылап отыратын боламыз, – дейді №6 емхананың жалпы тәжірибедегі учаскелік дәрігері Баян Бейісова.
Облыстық денсаулық сақтау басқармасының мәліметінше, өткен жылы облыста 98, биылғы жыл басынан бүгінге дейі 35 егіз сәби жарық дүние есігін ашқан. Ал, үшем бұған дейін 2016 жылы туылыпты.
Айта кетейік, үшемдердің ата-анасы Дина Хамзина – облыстық отбасы үлгісіндегі балалар ауылында әдіскер, Қанат Ғұпранов – Батыс Қазақстан Жоғары медициналық колледжінің оқытушысы. Қанат Ғұпрановтың жетекшілігімен шәкірті Назерке Төлеуғалиева «Мобильді емхана» жобасын дайындап, облыстық инновациялық жобалар байқауында үздік атанған болатын.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу