Кіру23 млн теңгені қолма-қол ақшаға айналдырған дроппер сотталды
Орал қалалық сотында дроппер болып жұмыс істеген, яғни алаяқтық жолмен алынған қаражатты қолма-қол ақшаға айналдырған Е-ге қатысты үкім шықты.
БҚО прокуратурасының баспасөз қызметінен мәлім еткеніндей, аталған сотталушы 23 млн 122,5 мың теңгені қолма-қол ақшаға айналдырған.
«Сот отырысында сотталушы өз кінәсін мойындамай, қаражаттың заңсыз шығу тегін білмеймін деп өз әрекетін ақтамақ болған. Алайда мемлекеттік айыптаушының принципті ұстанымы және ол сотқа ұсынған сотталушының кінәсін дәлелдейтін бұлтартпас дәлелдер айыптау үкімін шығаруға ықпал етті. Нәтижесінде дроппер ҚР ҚК 28-бабы 5-бөлігі және 190-бабы 3-бөлігі 1, 4-тармақтарына сәйкес айыпты деп танылып, ол 4 жыл 6 ай мерзімге бас бостандығынан айыру жазасын қауіпсіздігі орташа қылмыстық-атқару жүйесі мекемесінде өтеуге сотталды. Үкім 28 тамыз күні заңды күшіне енді», – деп хабарлады ведомстводан.
Прокуратура мәліметіне қарағанда, жыл басынан бері Орал қаласында 23 алаяқ сотталды. Бұл жүргізіліп жатқан алдын алу шараларына, ескертулерге қарамастан, алаяқтардан зардап шеккендер саны көбейіп отырғанын көрсетеді.
Осы орайда ең көп таралған алаяқтық схемаларына тұрғындар назарын аударуға болады.
Біріншісі. Алаяқтар өздерін банктердің, құқық қорғау органдарының немесе басқа ұйымдардың қызметкерлеріміз деп таныстырып, түрлі сылтаулармен телефон соғып, жеке мәліметтерін, банк карталарының деректемелерін беруді немесе «қауіпсіз» шотқа ақша аударуды талап етеді.
Соңғы кездері интернет арқылы алаяқтық фактілері жиілеп кетті. Бұл жалған интернет-дүкендер, фишингтік сайттар болуы мүмкін, мұнда пайдаланушыдан әртүрлі сылтаулармен банк картасының деректері немесе шоттардың құпия сөздері алынады.
Сондай-ақ алаяқтар әлеуметтік желілер мен мессенджерлердегі аккаунттарды бұзады, содан кейін достарының немесе туыстарының атынан көрсетілген шоттарға шұғыл ақша аударуды сұрайды.
Тағы бір түрі, алаяқтар азаматтарды жоқ ұтыстар туралы хабардар етеді, бірақ оны алу үшін әртүрлі «салықтарды» немесе «алымдарды» төлеуді талап етеді.
Осы орайда БҚО прокуратурасы жеке деректерді және банк картасының мәліметтерін ешқашан бөгде адамға бермеу керектігін, банк немесе мемлекеттік органдардың қызметкерлері мұндай ақпаратты телефон немесе интернет арқылы сұрамайтынын еске салады.
Екіншіден, ақпарат көздерін тексеріп, ақша аударуды сұрайтын қоңырау немесе хабарлама келсе, нұсқауларды орындауға асықпау керек. Тексерілген контактілерді пайдаланып, сол мекемеге немесе адамның өзіне хабарласу қажет. Басқа да сақтық шараларын ұмытпаған ләзім.
Дереккөз: kazinform.kz
Версия для печатиСоңғы жаңалықтар
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Президент Республика күні қарсаңында бір топ азаматты мемлекеттік наградалармен марапаттау туралы Жарлыққа қол қойды
Мемлекет басшысы әскери реформа мәселелері бойынша Қауіпсіздік Кеңесінің отырысын өткізді
