КіруЖОЛДЫ ҚАРДАН ТАЗАЛАУ – ҚОҒАМ БАҚЫЛАУЫНДА
11 наурыз күні «Сапалы жол – Адалдық алаңы» жобасы аясында «Ұлттық жол активтері сапасы орталығы» РМК облыстық филиалының мамандары, «Ақжайық – адалдық алаңы» жобалық кеңсесі қоғам өкілдерімен бірлесіп «Атырау-Орал» және «Чапай-Жалпақтал-Казталов-РФ шекарасы» бағыттары бойынша тасжолдың тазалануына мониторинг жүргізді.
Мониторинг кезінде «Атырау-Орал» автожолының 189-492 км (ЖПУ-40) аралығы және «Чапай-Жалпақтал-Казталов-РФ шекарасы» автожолының 0-213 км (ЖПУ-40, ЖПУ-41) аралығы назарға алынды. Аталған бағыттағы тас жолдар бойынша қардан тазалау және тайғақтықты жоюды қамтитын қауіпсіз және үздіксіз қозғалысты қамтамасыз ету бойынша іс-шаралар кешені тиісті деңгейде жүргізілмегендігі анықталды.
Сонымен қатар жол белгілеріндегі қарлы-мұздық шөгінділері және қисық-сызықты бағаналары күпсек қардан тазартылмаған. Көктайғаққа қарсы инертті материалдар шашылмаған.
Қауіпсіз қозғалысты қамтамасыз ету мақсатында анықталған олқылықтарды жою бойынша құзырлы мекемелерге ұсыныстар жолданды.
Айта кетейік, «Сапалы жол – Адалдық алаңы» жобасының міндеттерінің бірі – белсенді азаматтық ұстанымы бар қоғам мүшелерімен өзара іс-қимыл кезінде жол құрылысының барысын қоғамдық бақылауды және ашықтықты қамтамасыз ету. Сыбайлас жемқорлық фактілері туралы кез келген азамат 24/7 режимінде жұмыс істейтін «1424» Call-орталығы арқылы сыбайлас жемқорлыққа қарсы қызметке хабарлай алады.
zhaikuni.kz
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу