ЖОЛАУШЫЛАРДЫҢ МӘСЕЛЕСІ ШЕШІЛДІ
Оралдағы 22 қоғамдық көлігі өткен жылдың 31 желтоқсанынан бастап, Құс фабрикасы ауданына дейтін қатынайтын болды. Бұл туралы қалалық жолаушылар көлігі және автомобильдер жолдары бөлімінің мамандары мәлім етті.
Аталған аудан тұрғындары осы уақытқа дейін қалаға 3-ші маршрутпен қатынаған болатын. Алайда күн санап халқы көбейіп келе жатқан саяжайға бір ғана қоғамдық көлік аздық еткен еді. Қарапайым халық таңертеңгілік және кешқұрым шарасыздықтан бірнешеуі бірігіп 100 теңгеге такси жалдап күн кешкен-ді. Енді тұрғындардың мәселесі бір жақты болды.
– 22 маршруттың 20-дан аса автобусы аталған бағытқа қатынай бастады. Олардың аралары 5-6 минут. «Борлы тау» ауылына 3-ші қоғамдық көлік жүре беретін болады, – деді қалалық жолаушылар көлігі және автомобиль жолдары бөлімінің сектор меңгерушісі Алмаз Ахошев.
Версия для печати
Пікір үстеу