КіруЖОЛАУШЫЛАР ПОЙЫЗЫНА МОНИТОРИНГ ЖҮРГІЗІЛЕДІ
12 наурызда «ANTIKOR ORTALYGY» сервис орталығында БҚО Сыбайлас жемқорлыққа қарсы қызметі арнайы мониторингтік тобы және «Ақжайық – адалдық алаңы» жобалық кеңсесімен бірлесіп темір жол көлігіндегі жолаушылар тасымалы мәселелері бойынша жауапты сала мамандарының кездесуін ұйымдастырды.
Оған БҚО бойынша Сыбайлас жемқорлыққа қарсы қызметтің бірінші орынбасары Н.Самет, БҚО бойынша көліктік бақылау инспекциясы басшысының орынбасары М.Ермеков, Сыбайлас жемқорлыққа қарсы бірінші медиа-орталығының БҚОФ басшысы М.Айткалиев және қоғам өкілдерінің қатысты.
Қоғамның пікірінше, мереке күндері пойыздарға темір жол билеттерінің тапшылығы орын алады, сондай-ақ жолаушылар пойыздары жолсеріктерінің сапалы қызмет көрсетпеуі негізгі проблемалар болып табылады.
Кеңес қорытындысы бойынша, жолаушылар тасымалы қызметінің ашықтығын қамтамасыз ету мақсатында жұртшылықтың және көліктік бақылау инспекциясы өкілдерінің қатысуымен мониторинг жүргізу ұсынылды.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу