КіруЖОЛ ҚАУІПСІЗДІГІН ҚАМТАМАСЫЗ ЕТУ МАҚСАТЫНДАҒЫ ЖОБАЛАР ТАНЫСТЫРЫЛДЫ
Бүгін қала әкімдігінде жолдағы қауіпсіздік шараларын қамтамасыз ету мақсатында жоспарланған жобалар таныстырылды. Шараға қатысқан қоғамдық кеңес өкілдері, белсенді қала тұрғындары, жобалаушылар, әкімшілік полиция қызметкерлері мен тасымалдаушылар жоспарланған жобаларға қатысты ойларын ортаға салып, ұсыныстарын білдірді.
Қала әкімінің орынбасары Бекжан Тоғжанов таныстырып өткендей, биыл 40 жаяу жүргіншілер жолына шақыру батырмасы бар бағдаршам қойылмақ. Қазіргі уақытта Орал қаласында 387 жаяу жүргіншілер өтпесі бар. Жаңа бағдаршамдарды қою орындары алдын ала жобаланған, дегенмен қосымша ұсыныстар зерделенген соң, нақты орындары айқындалатын болады. Әзірге мұндай бағдаршам Н.Назарбаев даңғылы бойында М.Өтемісов атындағы аялдама тұсында және Юбилейный аялдамасы маңында бар.
Екіншіден, қала көшелеріне 5 жаңа бағдаршам нысанын қою жоспарланып отыр. Әкімшілік полиция басқармасының ұсынысымен бұл бағдаршамдар Орал-Тасқала жолының Айтқұлов, Бурсиловский, Қабанбай батыр, Қонаев және Деркөл жолымен қиылысына қойылады. Сондай-ақ жеті бағдаршам нысанына қосымша секциялар орнатылады.
Аса қауіпті саналатын 50 жаяу жүргіншілер өтпесіне жасанды кедір-бұдырлы жол қойылмақ. Қазіргі уақытта бұл жабдықты алу үшін байқау жарияланған. Жарық шамдарымен қамту, жарықтанған жол белгілерін де қою көзделіп отыр. 50 орынға жарыққа шағыласатын жол элементтері орнатылады. 200 жаяу жүргіншілер өтпесі термопластпен белгіленеді, ал алты жаяу жүргіншілер өтпесіне биіктеу жаяу жүргіншелер өтпесін орнату жоспарлануда.
Сондай-ақ жерүсті өткелін салу үшін жобалық-сметалық құжаттама дайындалады. Қала әкімі орынбасарының сөзінше, магистралды көшелер саналатын, көлік қозғалысы аса көп С.Датов көшесіндегі «Алтындар» супермаркетінің тұсына және М.Шолохов көшесі бойындағы «Алтын алма» базары тұсына жерүсті өткелі қойылады деп жоспарланған.
Сонымен қатар екі аумаққа қисықбілеулі қоршау қойылады. Бұдан бөлек қала тұрғынарының қауіпсіздігі үшін 4 маңызды көшедегі жол ортасына қоршау салынады. Деркөл бағытындағы автокөлік өткелі мен «Құс фабрикасы» ауданындағы автожол толықтай жарықтандырылмақ. Блогерлердің ұсынысы бойынша кең жолақты жолдардың бойындағы жаяу жүргіншілер өтпесі мен қиылыстардағы үшбұрыштарда қауіпсіздік алаңдары ұйымдастырылмақ.
Сондай-ақ оқушыларға жол қауіпсіздігін түсіндіру жұмыстары жүргізіледі. Қоғамдық көліктерді жаңарту, бейнебақылау жүйесін орнату және қалалық маршруттарды оңтайландыру көзделіп отыр.
Жалпы жол қауіпсіздігін қамтамасыз ету мақсатында биыл 39 тараудан тұратын іс-шаралар жоспарланған.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу