ЖОЛ АПАТЫНАН ЕКІ АДАМ КӨЗ ЖҰМДЫ
Оқиға 19 қаңтар күні Батыс Қазақстан облысындағы Бөрлі – Ақсай тас жолында болған.
Сағат 15.10 кезінде 1975 жылғы көлік жүргізушісі «ВАЗ-21093» (ресейлік нөмірімен) маркілі автокөлігін солтүстік бағытта басқара отырып, «Бөрлі-Ақсай» тас жолының 28 шақырымында Пугачев ауылының маңында жолдың қарсы бағытына шығып кетіп, «Лада Ларгус» маркілі автокөлігіне соқтығысады. Рөлде 1995 жылғы жүргізуші болған.
Жол-көлік оқиғасы салдарынан «ВАЗ-21093» автокөлігінің 1975 жылғы жүргізушісі және осы көліктегі 1995 жылғы жолаушы оқиға орнында көз жұмған. Сондай-ақ, осы автокөлікте болған 2001 жылғы, 1996 жылғы, 1988 жылғы және 2004 жылғы жолаушылар түрлі жарақаттармен Ақсай қаласының аудандық ауруханасына жеткізілген.
БҚО Полиция департаментінің баспасөз қызметі аталған факті бойынша Қылмыстық Кодекстің 345-бабы 4-бөлігі бойынша сотқа дейінгі тергеу амалдары басталғанын мәлім етті.
Версия для печати
Пікір үстеу