Кіру«ЖЕҢІМПАЗ ЖАЛҒЫЗ. ОЛ – ЕРЖАН»
«Голос Дети» байқауының жүлдегері Ержан Максим бүгін туған жеріне келеді деп күтілуде. Байқаудан соң оған жаңа ұсыныстар түсе бастаған. Бұл туралы жас әншінің анасы мәлімдеді.
Оралдық балғын Ержан Максим «Голос.Дети» Ресей тележобасының «Көрмей тыңдау» кезеңінде Андреа Бочеллидің «Ama credi e vai» әнін орындап, қазылар алқасын таңқалдырды. Қазылар құрамындағы Светлана Лобода, Пелагея және Валерий Меладзе – үшеуі де бұрылып, Ержан Максимді өз топтарынан көруге асық екендіктерін білдірді. Светлана Сергеевна бұған дейін шыққан қатысушылардан Ержанның дауыс деңгейі ерек екенін айтса, Пелагея оған әдеттегіден тыс лайықты теңеу таппай отырғанын жеткізді. Дегенмен, Ержан өзіне жетекші ретінде Валерий Меладзені таңдап, жетекшісімен бірге бірнеше кезеңдік байқауда көпшіліктің сүйіспеншілігіне бөленді.
Алайда, 26 сәуірдегі шоудың финалы көрермендердің наразылығын тудырды. Бұған себеп – дауыс беру қорытындысы бойынша әнші Алсудың қызы Микелла Абрамованың жеңіске жетуі еді. Ал қазақстандық әнші Ержан Максим екінші орын иеленді. Көрермендер финал әділ өтпегенін айтып, шу шығарды. Көптеген ресейлік әртістер қазақстандық әншіге қолдау білдіріп, оны нағыз жеңімпаз деп білетінін айтты. Алғашқылардың бірі болып, танымал ресейлік тележүргізуші Максим Галкин Instagram парақшасында видео жариялап, өз отбасының пікіріне сай «Голос. Дети» байқауының жеңімпазын атады.
«Біз кеше отбасымызбен Ержан Максимге дауыс бердік. Жалпы, финалға қатысушылардың деңгейі жоғары болды. Ержаннан басқа Нино Чеснер, Анастасия Сисаури, Валерий Кузаков, Миша Григорян тамаша орындады. Микелла Абрамова да жақсы, бірақ финалға қатысушылардың бәрінен артта қалды. Абрамованың атақты ата-анасы мен олардың жұлдызды достары бәрін жасады. Басқа әншілердің ата-аналарында ондай мүмкіндік жоқ. Менің ойымша, жеңімпаз жалғыз, ол – Ержан Максим», – деді М.Галкин.
«Кешегі сайыста барлық балалар мықты өнер көрсетті. Алайда, Максим Галкинмен толықтай келісеміз. Кішкентай Ержан және оның зор дауысы», – деп жазды Вера Брежнева.
Димаш Құдайберген, Мөлдір Әуелбекова, Ақбота Керімбекова, Нұртас Адамбай сынды отандық эстрада жұлдыздары да жас дарынды қолдап, құттықтауларын білдіруде.
Ал Ержанның өзі екінші орынға еш қапаланбағанын және байқаудың қорытындысына көңілі толатынын жеткізген. Тіптен қарбаласқа толы өнер жолы енді басталмақ.
– «Голос. Дети» жобасына қатысып жатқанда музыкалық компаниямен 1,5 жылға келісімге отырдық. Келісім шарты бойынша басқа компаниялармен жұмыс істеуге шектеу қойылған. Баратын жағдайда сол компаниядан рұқсат сұрауымыз керек болады, – дейді анасы Гүлмира Әлібек.
Айта кетейік, Ержан үйдегі үш баланың кенжесі. Жетекшісі – Республикалық байқаулардың лауреаты, Ғ.Құрманғалиев атындағы облыстық филармонияның әншісі Дария Бақытова. Жас дарын 9 жасында халықаралық сахнада ең алғашқы жетістігін көрсеткен болатын. Ол 2016 жылы Грузияның Батуми қаласында өткен «Дельфин Фест» әншілер фестивалінің бас жүлдесін қанжығасына байлады. Бір жылдан кейін, яғни 2017 жылы Италияда өткен San Remo Junior фестивалінде симфониялық оркестрмен жанды дауыста ән шырқап, финалист атанды. Дәл сол жылы Витебсктегі «Славян базарында» екінші орын иегері болды. 2018 жылы балалар«Евровидениесінде» финалға шықты.
Талабы таудай талантты жерлесіміздің жұлдызы жарқырай түссін деп тілейік.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу