КіруЖАС РОБОТОТЕХНИКТЕР БҮКІЛӘЛЕМДІК ОЛИМПИАДАДАН ЖҮЛДЕЛІ ОРАЛДЫ
Назарбаев Зияткерлік мектептерінің жас робототехниктер командалары Венгрияның Дьорынан табысты оралды.
Алматы және Талдықорған қаласындағы Зияткерлік мектептер бірлескен командасы WRO чемпионатының (World Robot Olympiad – Робототехникадан Бүкіләлемдік олимпиада) үздік үштігіне еніп, елге қола медаль алып келді.
Құрама команда «Ақылды білім» секциясында математика мен бейнелеу өнері пәнінен сабақ беретін, әліпбиді үйренуге көмектесетін, көру және есту қабілеті нашар балалармен жұмыс істейтін бастауыш сынып мұғалімі «Ziggurat» роботын таныстырды.
– Жобаның идеясы Талдықорған Зияткерлік мектебінен Даниил Филимоновке тиесілі, онымен бірге Алматыдағы физика-математикалық бағыттағы Зияткерлік мектеп оқушысы Любовь Дудченко және Талдықорғандағы NEXTROBOT орталығынан Элина Пак жұмыс істеді. Ал оларға робототехникадан Алматы облысы құрама командасының жаттықтырушысы Николай Авдюнин жетекшілік етті.
Оралдағы Зияткерлік мектеп командасы Бүкіләлемдік олимпиаданың үздік сегіздігі қатарына кірді. Оралдық робототехниктердің жетекшісі Нұрболат Дағаровтың айтуынша, беделді сайыстың «Топ 8» аталатын категориясы бар. Үздік сегіздікке енген командаларды салтанатты түрде атап, қошеметке бөленеді. Зияткерлік мектептің командасы Regular Junior High санатында (Серік Санжар, Мирас Иманғали) осы аталымға ілікті. Аталған санат бойынша 100-ге тарта команда бақ сынаған екен.
– Біздің алдымызда Тайланд, Тайвань, Ресей, Малайзиядан келген робототехниктер бар. Regular Junior High санаты бойынша қазақстандық робототехниктер алғаш рет үздік сегіздікке кіріп тұр. Бұл – жақсы жетістік, – дейді Нұрболат Сәрсенғалиұлы.
– Олимпиада кезінде көптеген өзге ұлт өкілдерімен танысып, достар таптық. Алғаш рет бүкіләлемдік жарысқа қатысқанымызбен, сайыс кезіндегі тапсырмаларды уақытылы шешуге тырыстық, – дейді Серік Санжар мен Мирас Иманғали.
Венгрияның Дьор қаласында өткен WRO – 2019 «Ақылды қалалар» тақырыбына арналды. Онда әлемнің 73 мемлекетінен 400-ден астам құлтемір құрастырушылар шеберліктерін көрсетті.
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу