КіруЖАНҒА ҚУАТ СЫЙЛАДЫ
Қаңтардың 19-ы күні Православ христиандарының мерекесіне орай «ҚазИИТУ» ғылыми-білім кешенінің ұжымы студенттер мен ата-аналарды таза ауада сергітіп, қызықты демалыс ұйымдастырды. Ғылыми-білім кешенінің құрылтайшысы Әйтімов Ақсерік Сарыұлының бастамасымен таза ауада ән салып, би билеп көңілдері жадыраған колледж студенттерінің ата-аналары әрдайым жақсы істердің жаршысы болып жүрген ұйымшыл ұжымға алғыстарын жаудырды.
Алдымен сөз алған «ҚазИИТУ» ғылыми-білім кешенінің құрылтайшысы Ақсерік Сарыұлы жиналғандарды мейірімділік пен жақсылықтың символы саналатын Рождество мерекесімен құттықтады.
– Осы күні реніштер ұмытылып, көмекке зәру жандарға жәрдем көрсетіледі. Елімізде дінаралық татулыққа ерекше мән берілген. Сондықтан аталған мерекенің де маңызы үлкен. Елбасының саясатының арқасында мемлекетіміз сәт сайын дамып, қадамын нық басып келеді. Университетіміздің өркендеуіне православ христиан өкілдерінің де қосып отырған үлесі зор. Сіздерді мерекемен құттықтап, жақсылық пен береке, амандық тілеймін, – деді А.Әйтімов.
Бұл күні далада ыстық сорпа мен шәй ішіп, қазақы кең дастархан басында арқа-жарқа болған көпшілік қыстың шыңылтыр аязын елең қылмады. Әсіресе, оқу орнының жол талғамайтын арнайы Квадроцикл, қарда жүретін көліктеріне кезекпен мініп, жолсыз жүйткіген жандардың қуанышында шек болмады. Көпшілік табиғат аясында тынығып, ой сергітіп, қаланың шуынан алыстап, даланың саф ауасымен кеудені толтыра жұтуға мүмкіндік алды. Күнделікті күйбең тірлікті ұмытты. Бәрі жаппай квадроциклдерді тебуге кезекке тұрды, бірі нұсқаушының көмегін пайдаланса, енді бірі өздіктерімен көлікті лезде меңгеріп алды. Дәл осындай таза ауадағы сәнді демалыс өткен сенбі қайта жалғасып, ата-аналар мен студенттер қыс қызығына кенелді. Бұл жолы да жол талғамайтын квадроцикл, снегоход көліктерін ерттеп мінген серуеншілер бір дамыл таппады. Сондай-ақ тир атып, мергендіктерін де бір сынады.
Кәусар БАЙҒАЛИЕВА
Версия для печатиСоңғы жаңалықтар
Партиялар бір күнде білім беру, экология, тарихи жады және еңбек тақырыптарын қалай тоғыстырды?
Оралда қоғамдық көліктерде жолақы төлеу тәртібіне мониторинг жүргізілді
Қазақстанда Құрылтай сайлауына бір айға жетер-жетпес уақыт қалды: кімді сайлаймыз?
Өңір басшысы әлемдік рекорд орнатқан өнертапқыш өрендерді қабылдады
Сайлауалды науқан: Qarmet-тен бизнес-форумға дейін – партиялар үгіт-насихат жұмыстарын жалғастыруда
Әлеуметтік маңызы бар азық-түлік тауарларының бірқатарының бағасы төмендеді
Экспериментальная база НЯЦ РК помогает совершенствовать безопасность современных АЭС
Атом саласындағы жаңа кезең: Қазақстанның бұл бағытта негізгі жетістіктері қандай?
Бір мінбер, жеті партия: сайлауалды науқандағы алғашқы саяси тартыс нені көрсетті?
Үгіт науқаны басталған соң партиялардың электоралды рейтингісі өзгерді
Сайлау науқаны кезеңінде дипфейктер жиілеуі мүмкін: Жалған ақпаратқа қарсы іс-қимыл орталығы ескертеді
Құрылтай сайлауы: «Ақ жол» Respublica-ға жауап берсе, Қазақстан Халық партиясы ЖСДП сынына ашық үн қатты
Мемлекеттік қызмет көрсету процесін жетілдіру бойынша жұмыс жалғасуда.
Азаматтардың басым көпшілігі «Заң мен Тәртіп» қағидаты мен «Таза Қазақстан» идеясын қолдайды – сауалнама
Саяси пікірталас күшейді: ҚХП ЖСДП бағдарламасындағы бастамаларды сынға алды
Шағын модульдік реакторлар – Қазақстанның болашақ энергетикасының жаңа бағыты
Хан тоғайындағы 18 гектар аумақты шарпыған өрт толық сөндірілді
Пікір үстеу