КіруЖАҢАРҒАН ҒИМАРАТТЫҢ ЖҰМЫСЫ ДА ЖАҢАША
1 маусым – халықаралық балаларды қорғау күні жөндеуден өткен қалалық мәдениет және тілдерді дамыту бөліміне қарасты Мәдени–ағарту бірлестігінің ғимараты пайдалануға берілді.
Х.Чурин көшесі 121 мекенжайынан Жәңгірхан 15/1 мекенжайына көшірілген жаңа ғимаратты салтанатты түрде ашқан қалалық мәдениет және тілдерді дамыту бөлімінің басшысы Серік Қайырлиев баршаны айтулы мерекемен құттықтады.
– Бұл мереке барлық әлемнің назарын бүлдіршіндерге аудару арқылы оларды қауіп-қатерден сақтау мақсатында халықаралық деңгейде аталып өтеді. Осындай тамаша мереке қарсаңында балғындарға бақытты балалық шақ, сыңғыр күлкі, игі жақсылықтарды тілейміз. Мәдени-ағарту бірлестігі де осы салада үлкен жұмыстар атқарып келеді. Былтырғы жылы аула клубтары жанынан үш бірдей комьюнити орталығын ашып, жаңа жұмыс бағытына көштік. Биылғы жылы да осы жұмыстар өз жалғасын табады. Мереке күні барлық аула клубтары мен комьюнити орталықтарының басын біріктіретін Мәдени-ағарту бірлестігінің ғимараты ағымдағы жөндеуден өтіп, қолданысқа берілді, – деді Серік Ерболатұлы.
«Мәдени-ағарту бірлестігі» 1992 жылы құрылып, құрамына балалар аула клубтары берілген. Бүгінде 22 клубтық мекеменің жұмысын жандандырып келеді. Атап айтқанда, қаланың әр аумағында орналасқан 15 балалар аула клубы, үш комьюнити орталығы және «Жас ұрпақ» жасөспірімдердің әлеуметтік даму орталығы, Гагарин атындағы балалар кинотеатры, «Бойтұмар», «Ақниет» мүмкіндігі шектеулі балаларға арналған орталықтары осы бірлестікке қарайды. Мұндағы 107 үйірмеде 2340 адам қамтылған. Әсіресе, әдістемелік бөлмелер жоғары деңгейде жабдықталыпты, алғаш рет дыбыс жазу студиясы ашылып отыр. Ғимараттың күрделі жөндеуіне шаһар басшысының қолдауымен 10 млн. 167 мың теңге қаражат бағытталып, соның 8 млн. 500 мың теңгесіне «ДизайнД» ЖШС мердігерлік компаниясы екі ай көлемінде құрылыс жұмыстарын жүргізген. Қазіргі таңда бірлестіктің 172 қызметкері су жаңа ғимаратқа көшіп келді.
«Мәдени-ағарту бірлестігі» мекемесінің директоры Серік Тоқмамбетовтың айтуынша, аталмыш бірлестік өнерге құштар талантты балалардың талабын ұштап, өнер арқылы елдің мүддесін қорғайтын болашақ ұрпақты тәрбиелеу бағытында жұмыстанып келеді. Сондықтан сәні мен салтанаты келіскен жаңа ғимаратқа көшуі – үлкен мәртебе. Алдағы уақытта жұмысты одан әрі жетілдіріп, тың мақсаттар қойып, жоғары дәрежедегі жоспарларды жүзеге асырып, қаланың мәдениетінің дамуына балалардың да үлесін қосу бағытында кешенді жұмыстар атқару көзделген. Осыдан бір ай бұрын ұлттық құндылықтарды насихаттау барысында «Алтын Орда» қоғамдық театры ашылған. Төтенше жағдай аяқталған соң аталмыш театр жұмысын жандандыру бірінші кезекте қолға алынбақ. Сондай-ақ өнердің әр жанры бойынша қала көлемінде кең көлемдегі конкурстар ұйымдастыру жоспарланып отыр. Байқау жеңімпаздары кәсіпкерлердің демеушілігімен Нұр-Сұлтан, Алматы қалаларындағы өнер ордаларына саяхатқа жіберілмек. Әзірге бұл бағытта демеушілер іздестірілуде екен. Бұған дейін аула клубтарының жас өнерпаздары түрлі деңгейдегі тек ақылы байқауларға қатысумен шектеліп жүргені жасырын емес. Ақылы болған соң жүлде де жеңіл келері сөзсіз. Осы орайда Мәдени-ағарту бірлестігі басшысының бұл үрдістің «тамырына түбегейлі балта шабуды» көздеп отырғанына қуандық. Болашақта балғындар тек мемлекеттік деңгейдегі байқауларға ғана қатыстырылмақ. Сол секілді бұған дейін аула клубтарының жас таланттары фонограммамен ән айтуға әбден төселіп алған болса, алдағы уақытта бұлай ән шырқауға да тыйым болмақ. Балалар киелі сахнада жанды дауыста ғана ән шырқайтын болады. Бұл бағытта да нақты тапсырмалар берілген.
Заманауи үлгіде жабдықталған ғимараттың ашылу салтанатында «Бәйтерек» балалар аула клубының өнерпаздары ән салып, би билеп, мерекенің көрігін қыздырды.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу