КіруЖӘҢГІР ХАН УНИВЕРСИТЕТІНІҢ ҒАЛЫМДАРЫ ТРАНСФОРМАТОРҒА ҚАЖЕТТІ ЖАБДЫҚ ӨНДІРУ ЖОБАСЫН ТАНЫСТЫРДЫ
Бүгін, 12 наурыз күні «Alageum Electric» компаниялар тобының (Орал трансформатор зауыты) басшылары Жәңгір хан атындағы Батыс Қазақстан аграрлық-техникалық университетіне барып, университет ректоры Асқар Наметовпен бірге Индустриалды-технологиялық институт базасында болып, өндірістік іс-тәжірибе шеберханаларының жұмысымен танысты. Бұдан әрі компания өкілдері университет студенттерімен кездесіп, білім мен тәжірибені ұштастыру туралы ақыл-кеңестерімен бөлісті. Сондай-ақ қонақтар студенттерге қызмет көрсету орталығында болды. Бұл туралы Жәңгір хан университетінің медиа орталығы хабарлады.
Сапар барысында университеттің мәжіліс залында бас қосқан қос тарап «Кернеуді трансформаторлық ауыстырып-қосқыш өндірісі» жобасын талқылады. Университет ғалымдарының бұл жобасы оқу жылының басында «Даму» қорынан гранттық қаржыландыруға ие болған еді. Грант қаржысына өндірісті жүзеге асыруға қажетті құрылғылар сатып алынған. Жобамен таныстырған университет оқытушысы, магистр Арайлым Төрешова Орал трансформатор зауытының өкілдеріне өнімді өндіруге қатысты бірқатар ұсыныстарды жеткізді. «Alageum Electric» компаниялар тобы бақылау кеңесінің төрағасы Сайдолла Қожабаев университет ғалымдарының бастамасын қолдайтындарын жеткізді. Енді оны зерделеп, бірқатар тетіктерін талқылауды ұсынды.
Орал трансформатор зауытының техникалық директоры Тұрар Асан кернеуді трансформаторлық ауыстырып-қосқыш бөлшек елімізде өндірілмейтінін айтты.
– Жәңгір хан университеті ғалымдарының біздің зауыт үшін дайындаған жобасымен таныстық. Өз тарапымыздан жобаға қызығушылық танытып отырмыз. Енді келіссөздер жүргізіп, алдағы уақытта оның тиімділігін, техникалық жақтарын жан-жақты саралап, ортақ шешімге келетін боламыз. Жалпы трансформатордың бұл жабдығы зауытқа Түркиядан тасымалданады, – деді Тұрар Асанұлы.
Еске сала кетсек, Жәңгір хан университеті Орал трансформатор зауытымен екі жылдан бері әріптестік бағытта байланыс жасап келеді. Зауыт басшылығы оқу орнына тәжірибелік жағынан қолдау көрсетіп, ынтымақтастықты нығайтуда.
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу