КіруЖӘҢГІР ХАН АТЫНДАҒЫ БҚАТУ-ДА «ҒЫЛЫМ АЙЛЫҒЫ» БАСТАЛДЫ
Жәңгір хан атындағы Батыс Қазақстан аграрлық-техникалық университетінде ел Тәуелсіздігінің 30 жылдығы және 12 сәуір – халықаралық ғылым күні аясында «Ғылым айлығы – 2021» іс-шарасы басталды, деп хабарлады университеттің медиа-орталығы.
Бүгін Индустриалды технологиялық институт базасында университетішілік «Жаңа технологиялар: өзекті мәселелер, жетістіктер мен инновациялар» атты ғылыми-тәжірибелік конференция өтті. Конференцияда алдымен сөз алған Жәңгір хан университетінің ғылым бойынша проректоры, ауылшаруашылығы ғылымдарының кандидаты Әлжан Шәмшідін әріптестерін Ғылым айлығының басталуымен құттықтады.
– Үстіміздегі жылдың 1 қаңтарынан бастап Тәуелсіздіктің 30 жылдығына орай әр ай нақты салалардың айлығы болып бекітілді. Сәуір айының еншісіне ғылым саласы бекітіліп, еліміз бойынша осы бағытта іс-шаралар ұйымдастырылады. Біздің университетімізде де айдың соңына дейін осындай жұмыстар жоспарланды. Сол жұмыстардың бастамасы іспетті бүгінгі конференцияда оқылатын баяндамалар жас мамандарға тағылымды тәжірибе болары сөзсіз, – деген Әлжан Смайылұлы конференция жұмысына сәттілік тіледі.
Жиында баяндама жасаған Индустриалды технологиялық институт директоры, техника ғылымдарының докторы, профессор Сәрсенбек Монтаев оқу орнында жасалған ғылыми-сараптамалық зерттеулерге, ғылыми жобаларға тоқталып өтті. Күні бүгінге дейін бірқатар инновациялық жобаларды дайындауға атсалысқан ғалым ауыз толтырып айтарлықтай нәтижелермен бөлісті. Ғылыммен айналысамын деген мамандарға әлі де дайын тақырыптар жеткілікті екенін айтты. Бұдан әрі «Мұнай, газ және химиялық инженерия» жоғарғы мектебінің оқытушысы Адель Сәрсенова, аға оқытушысы Тимур Шәкіров, «Құрылыс инженериясы» білім бағдарламасының 3-курс докторанты Қаржаубай Досов, «Құрылыс және құрылыс материалдары» жоғары мектебінің оқытушысы Еркебұлан Мәжитов, «Машина жасау» жоғары мектебінің аға оқытушысы, PhD доктор Ербол Ербаев, аға оқытушы Арайлым Турешова баяндама жасап, ғылыми бағыттағы жұмыстарымен таныстырды.
Институт директоры, ғалым-ұстаз Сәрсенбек Монтаев ғылыми-тәжірибелік конференцияның негізгі мақсаты – оқу орнындағы ғылыми бағытта жүргізіліп жатқан жұмыстарды, өзекті мәселелерді қамтитын ауқымды жобалардың нәтижесін талқылау екенін жеткізді.
– Ғылыми жұмыстардың негізгі бағыттары – табиғи ресурстарды тиімді пайдалану. Әріптестеріміз экология, машина жасау, мұнай-газ салалары бойынша ғылыми жұмыстармен айналысуда. Біздің институтымызда оннан аса гранттық жобалар жүзеге асырылуда. Соның нәтижесін студенттеріміз, магистранттарымыз бен докторанттарымыз өздері оқу процесінде, курстық, дипломдық, диссертациялық жұмыстар жазу кезінде пайдаланып, білімдерін шыңдауда. Елбасымыз да оқу үрдісін ғылыммен ұштастыру қағидасын ұсынған болатын. Біз осы бағытта іздене еңбектеніп, көптеген тәжірибелік жұмыстар жүргізіп, еліміздің ғылым саласының дамуына өз үлесімізді қосудамыз, – деді Сәрсенбек Әлиакбарұлы.
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу