КіруЖҰБАН АҚЫНҒА ЕСКЕРТКІШ ҚОЙЫЛЫП, ОРТАЛЫҚ АШЫЛАДЫ
Бұл туралы өңірлік коммуникациялар қызметінің ақпарат алаңында өткен брифингте айтылды.
Биыл Қазақстан Жазушылар одағының мүшесі, мемлекеттік сыйлықтың иегері, ақын Жұбан Молдағалиевтің 100 жылдығы. Ақынның 100 жылдық мерейтойын атап өту ҚР Мәдениет және спорт министрлігінің өткiзiлетiн мерейтойлар мен атаулы күндердің тiзбесiне енгізілді.
Ж.Молдағалиевтің 100 жылдығын атап өту бойынша облыстық жұмыс тобы құрылып, 9 қаңтарда алғашқы отырысы өтті. Жұмыс тобының құрамында өңірдегі ақын-жазушы, өлкетанушылар бар. Атап айтқанда А.Бақтыгереева, Ж.Ақбай, А.Нәріков, Ү.Елубайқызы, Қ.Құттымұрат, М.Шүйіншалиева, Т.Жазықбай, А.Мұсаев.
– Жұмыс тобының мүшелері халықаралық деңгейде «Жұбан және ерлік жыры» атты жазба поэзиясы мүшайрасын өткізуді, Алматы және Нұр-Сұлтан қаласында Жұбан ақынның ескерткішін орнатуды, ақынның өлеңдеріне патриоттық әндер байқауын өткізуді, әлеуметтік желілерде ақпараттық сүйемелдеу шараларын белсенді ұйымдастыруды ұсынды, – дейді БҚО мәдениет басқармасы басшысының м.а С.Дүйсентегі.
Мерейтойлық шараларға бастама беру 31 қаңтарға жоспарланған. Бұл старттық шара Нұр-Сұлтан қаласындағы ҚР Ұлттық академиялық кітапханасы мен Алматы қаласындағы ҚР Ұлттық кітапханасымен бірлесіп, БҚО облысының барлық кітапханаларында өтеді.
Жыл бойы облысымыз бен аудандарымыздың мәдениет және білім беру ұйымдарында Жұбанға арналған кітап және музей көрмелері мен түрлі мәдени шаралар ұйымдастырылады.
Арнайы құрылған жұмыс тобы Жұбан ақынның шығармашылығынан үш тілде энциклопедия шығару мақсатындағы жұмыстарды бастады. Бұдан бөлек «Таланты тау боп көрінсе» атты Ж.Молдағалиевтің өмірі мен шығармашылығын насихаттауға арналған әдістемелік-библиографиялық құрал жасақтап шығару көзделіп отыр. «Өшпейтін өлең» атты Жұбан ақынның жазған өлеңдерінен патриоттық әндер байқауын, мектеп оқушылары арасында облыстық мүшайралар, ақын-жазушыларға арналған әдеби-экскурсиялар ұйымдастырылады. Қазан айында «Жұбан ұрпақтар жүрегінде» тақырыбында халықаралық Жұбан оқулары және «Жұбан жырлары – ғасыр үні» атты республикалық ғылыми–тәжірибелік конференциясын өткізу,
Жұбан ақынның 100 жылдығына орай облыс орталығында ескерткіш қойылып, өзі оқыған Орал қаласындағы №38 орта мектепке және Орал газ, мұнай және көпсалалық колледжінің ғимаратына ескерткіш тақта орнатылады. Туған жері Ақжайық ауданында демеушілер мен меценаттар есебінен салынатын Жұбан орталығын ашпақ. Осы орталықта ақынға арналған музей мен кітапхана болады.
– Бұл шараларға ақынның ұрпақтарын және елімізге танымал ақын-жазушылар мен композиторларды шақыру көзделіп отыр. Осы шаралардың бәрі Жұбан ақынның шығармашылығын елге таныту, жастардың сезімін қалыптастыру бағытында жүргізіледі, – дейді Сайран Дүйсентегі.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу