КіруӨЗГЕНІҢ КАРТОЧКАСЫНДАҒЫ ҚАРАЖАТТЫ ОҢАЙ ҚАҒЫП АЛАТЫН АЛАЯҚТАР КӨБЕЙІП ТҰР
2020 жылдың жеті айында Орал қаласы аумағында 394 алаяқтық фактісі тіркеліп, 213-і ашылды. 394 фактінің 185-і интернет алаяқтығына қатысты материалдар. Интернет алаяқтығына қатысты тіркелген қылмыстық істердің 16-сы ашылды. Бұл туралы Орал қаласы Полиция бақармасының баспасөз қызметі хабарлады.
Соңғы тіркелген фактілер көрсеткендей, қала тұрғындары «Оlx Уральск», «Колесо», «Каспий голд», т.б. әлеуметтік желілердегі хабарландыруларды қарап, тез арада тоңазытқыш, көліктің қосалқы бөлшектерін сатып аламын деген белгісіз тұлғаларға немесе ақша аударым жүйелері арқылы 600, 700 мыңға жуық қаражаттарын аударып, алаяқтардың құрбаны болуда.
Мысалы, 3-шілдеде, сағат 17.00 шамасында белгісіз тұлға «Оlx » қосымшасын қарап, «Индезит» маркалы тоңазытқышын дереу сатып алмақ болып, сатушыға хабарласып, карточка нөмірлерін сұрап, ақша аударатынын айтқан. Бейқам отырған әйел барлық есепшот нөмірлерін телефонның ар жағындағы ер адамға айтқанда, аз-кем уақыттан соң шотында тұрған 580 мың теңгенің аударылып кеткенін көреді. 1973 жылғы, Орал қаласының тұрғыны Ғ.есімді азаматша алаяққа алданғанын біліп, полицияға арыз жазды.
9-шілдеде, белгісіз тұлға «Конденсат» жанар-жағар май құю бекетінің оператор-кассирінің ұялы телефонына хабарласып, «Сбербанк» карточкасына 60 мың теңге аударамын деген желеумен, қарызға ақша сұрап алып, алдап соққан.
17 шілдеде 1984 жылғы қала тұрғынына хабарласқан бейтаныс жан өзін «Каспий» банктің қауіпсіздік бөлімінің қызметкері ретінде таныстырып, «Сіздің есеп-шотыңыздан көп көлемдегі қаражат жойылып кетуі мүмкін сол себепті маған банк карточкасының, есеп-шоттардың нөмірлерін айтыңыз» деп сұрап алады да, шотта жинаулы тұрған 226 мың теңгені өзіне аударып алған. Жеке басы мен карточкаларының деректерін ағынан жарыла айта салған 1984 жылғы азамат интернет алаяғының құрбаны болғанын сезбей қалды.
17 шілдеде сағат 15.00-де белгісіз тұлға «Колесо» қосымшасы арқылы көлік сататын жігітке хабарласып, көлігін тез арада сатып беру үшін алдын ала 200 мың теңге салуын сұрайды, 200 мың теңгені өзінің есепшотына аудартып алған соң ізім-ғайым жоғалып кетеді. 1996 жылғы көлік сатпақ болған азамат алданып, 200 мыңынан қағылды.
25 шілдеде өзінің есімін Фарход деп таныстырған белгісіз тұлға «Оlx Уральск» әлеуметтік желісі арқылы «газоблоктарды шығарып беремін» деп Каспий банк арқылы алдын ала төлем сұраған. Барлық карточкасының деректерін айтқан 1988 жылғы азаматша 30 минуттан соң өзінің есеп шотынан 500 мың теңгеге жуық ақшасының белгісіз есепшотқа аударылып кеткенін байқаған. Оқиға орнына барған Орал қ.ПБ жедел-тергеу тобы ақшаның аударылғаны туралы чек көшірмелері мен аударымның скриншоттарын алып қайтты.
Осылайша, қала тұрғындарының сеніміне кірген аляқтар діттеген жымысқы ойларын жүзеге асыруда. Соңғы уақытта өзін Каспии банк қызметкерімін деп таныстырып, қала тұрғындарының карталарының нөмірлерін, өзге де деректерін сұрап алып, алаяқтардың құрбаны болу фактілерінің жиілегені жасырын емес. Осы орайда Орал қаласы Полиция қызметкерлері осы жағдайларды ескерте отырып, қалалықтардан егер бейтаныс тұлға хабарласып, өзінің басқа қалада жүргенін айтып, дәл қазір картаңыздың нөмірін жазып салуды сұраса, бейтаныс адамдарға жеке басыңыздың деректері мен банк картасының пин кодтары мен нөмірлерін айтпауларыңызды сұрайды.
Алаяқтар бірнеше азаматты дүрліктіріп, оларға көп шығын әкелді. Моральдық және материалдық тұрғыдан қаншама зиян келтірді. Сол себепті облыс пен қала тұрғындарының алаяқтарға алданып қалмауларын, жалған телефон шалушылардан сақ болуларын сұраймыз.
Айта кетейік, 2019 жылдың жеті айында 527 алаяқтық фактісі орын алды, оның 246-сы ашылған. Интернет жолымен алданған тұрғындардан 24 арыз қабылданған.
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу