КіруҮЗДІК МЕКТЕП ПСИХОЛОГЫ АНЫҚТАЛДЫ
Бүгін Батыс Қазақстан облысы білім басқармасының ұйымдастыруымен Орал қаласының №48 жалпы орта білім беретін мектебінде аудандық, қалалық білім беру ұйымдарындағы мектеп психологтары арасында жүзеге асыратын, талантты, шығармашылықпен жұмыс жасайтын, кәсіптік біліктілігін көрсете алатын педагог-психологтарды анықтау, қолдау және мадақтау мақсатында «Үздік мектеп психологы» облыстық байқауы өтті.
Байқауға қатысушылар екі кезең бойынша бақтарын сынады. Қатысушылар алғашында психологтың презентациялық портфолиосын қорғап, «Мен және менің мамандығым» тақырыбындағы мотивациялық хат жазып, үздік деп танылған қатысушылар екінші кезеңге жолдама алды.
Екінші кезеңге өткен аудандық, қалалық білім беру ұйымдарындағы мектеп психологтары 2 кезең бойынша сынға түсіп, бақтарын сынады.
Сайыстың «Тұсаукесер» кезеңінде қатысушылар өзін кәсіби креативті түрде таныстырып, өзінің ерекшелігін, көшбасшылық қасиеттерін көрсетті. Содан кейінгі бөлімде сайыскерлер мамандығы бойынша әртүрлі тақырыпта, ынтымақты іс-қимыл тереңдігін көрсету, тәжірибеде қолдануға болатын нәтижесі бар психологиялық тренингтер өткізді.
Байқау қорытындысы бойынша Теректі ауданы, Подстепный қазақ ЖОББМ–ның педагог-психологы Жұмагүл Хамзина үздік деп танылып, І орын иеленсе, Бөрлі ауданы, №1 мектеп-балабақша кешені педагог-психологы Аққаным Мақсұтова ІІ орын, Орал қаласы, №26ЖОББМ педагог-психологы Айман Раушанова ІІІ орын иеленді.
«Өз ісінің шебері» аталымымен Шыңғырлау ауданы, Л.Қылышев атындағы ОЖББМ педагог-психологы Айкөркем Бахтыгереева, «Шығармашыл психолог» аталымымен Қазталов ауданы, Жаңажол орта жалпы білім беретін мектебі, педагог-психологы Гүлзада Болатова, «Жаңашыл ізденімпаз психолог» аталымымен Жәнібек ауданы, Ғ.Абдуллин атындағы ЖББОМ педагог-психологы Назерке Қадырова марапатталды.
Үміт Жәңгірова, БҚО білім басқармасы баспасөз хатшысы
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу