КіруҮЗДІК МАМАНДАР АНЫҚТАЛДЫ
Қала күні мерекесі аясында 5 қыркүйек күні Абай алаңында танымал диджейлердің қатысумен «Open air» атты жастарға арналған би кеші ұйымдастырылды. Мыңдаған оралдық жастың басын қосқан кең ауқымды шарада қаланың өркендеуі мен дамуына зор үлесін қосқан әр саланың мамандары марапатталды.
Жыл сайын Қала күніне орай өткізіліп жүрген «Үздіктер» байқауы биыл 12 аталым бойынша осыдан бір ай бұрын жарияланған болатын. Байқау талаптарына сай үміткерлердің өтініштері арнайы құрылған комиссияда қаралып, үздіктері анықталды. Бүгінгі кеште нәтиже жарияланып, жеңімпаздарды қала әкімі Абат Шыныбеков құттықтап, марапаттарын табыс етті.
Атап айтқанда, «Үздік құрылысшы» аталымында он жылдан астам құрылыс саласында еңбек етіп жүрген «Отдельстрой» ЖШС-ның құрылысшы маманы Айнагүл Байғалиева бірінші орынды иемденді. «Үздік мұғалім» атануға үміткерлер көп болғанымен, комиссия мүшелері №30 орта мектептің мұғалімі Ақжарқын Хамбетованы бірінші орынға лайық деп таныды. «Үздік медицина қызметкері» номинациясында бұл салада отыз жылдан астам еңбек өтілі бар Клара Сапарова, «Үздік сантехник» аталымы бойынша Ришат Сырғабаев, «Үздік электрші» аталымында Аслан Жақыпов, «Үздік тігінші» номинациясында Дана Нәдірова жеңімпаз атанды.
«Қала күніне» орай өткізілген «Жасыл қала» байқауының қорытындысы бойынша Орал қаласының санитарлық жағдайын жақсарту және абаттануына үлес қосып жүрген Ақбұлақ көшесі 15-үй мекенжайы (үй иесі – Ғаділше Малейтенов) – «Үздік аула», №34 «Балбұлақ» бөбекжайы – «Үздік аумақ», Жаңа орда шағын ауданы 21 мекенжайындағы көпқабатты үй – «Үздік подъезд», Зашаған кентіндегі бірнеше үйді қарауына алып отырған «Таза аудан» пәтер иелері кооперативі – «Үздік ПИК» аталымында жеңімпаз деп танылды.
Сондай-ақ шаһардың әдемі көрінісі мен тыныс-тіршілігін бейнеге түсіріп жүрген жандар да арнайы марапатқа лайық деп танылды. Мейірбек Тәжіқұранов «Үздік фотосурет» байқауынан бірінші орынды иемденсе, Орал қаласына арналған әнге тамаша бейнебаян жасаған Әлішер Ғұмаров «Үздік видеоролик» байқауынан жеңімпаз атанды.
Байқауды ұйымдастырған «Ғасыр» қоғамдық бірлестігінің жетекшісі Нұркен Әбдіқаппаровтың мұндай шаралардың қала азаматтарын ынталандыруда маңызы зор. Ал байқаудың әр аталым бойынша екінші және үшінші орын жүлдегерлері де арнайы марапат пен бағалы сыйлықтарға ие болмақ.
Шарада қала өнерпаздары концерттік бағдарламаларын ұсынып, ашық аспан астындағы кеш жастарға арналған бимен жалғасты.
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу