8 (7112) 50-86-31
Фрунзе 20/1 zhaik_yni@mail.ru

Құрметті оқырман! «Жайық үні – Жизнь города» газетіне 2020 жылдың ІI жартыжылдығына жазылу науқаны басталды!

 

 

Құрметті оқырман! «Жайық үні – Жизнь города» газетіне 2020 жылдың ІI жартыжылдығына жазылу науқаны басталды!

Құрметті оқырман! «Жайық үні – Жизнь города» газетіне 2020 жылдың І жартыжылдығына жазылу науқаны жүргізілуде!

Құрметті оқырман! «Жайық үні – Жизнь города» газетіне 2020 жылдың І жартыжылдығына жазылу науқаны жүргізілуде!

Құрметті оқырман! «Жайық үні – Жизнь города» газетіне 2020 жылдың ІІ жартыжылдығына жазылу науқаны жүргізілуде!

 

 

30 Қараша 2020 351 0
Қоғам

ЗАШАҒАНДА ЖАҢА МЕКТЕП АШЫЛДЫ

         ҚР Тұңғыш Президент күні қарсаңында Орал қаласына қарасты Зашаған кентінде 900 орындық жаңа мектеп пайдалануға берілді. Яғни 220 жыл тарихы бар, мемлекеттік қорғауға алынған, архитектуралық ғимаратта орналасқан Ә.Молдағұлова атындағы №38 мектеп-лицейі жаңа білім ұясына көшті. Жаңа мектептің ашылуына байланысты кенттегі №10, №47 мектептердегі  үш ауысымдық оқу жойылды. Алдағы уақытта «Құс фабрикасы» ауданында тұратын 1007 оқушыны мектепке автобуспен  тасымалдау ұйымдастырылады деп күтілуде.

     

Мектептің ашылу салтанатына қатысқан облыс әкімі Ғали Есқалиев жас ұрпаққа заманауи білім беретін білім ұясының мүмкіндіктері зор, үшауысымдылықты жоюға ықпал ететінін айтып, ата-аналар мен ұстаздарға сәттілік тіледі.

–   Баршаңызды 1 желтоқсан – ҚР Тұңғыш Президенті күнімен құттықтаймын. Атаулы мерекеге орай Зашаған кентінде жаңа білім шаңырағы бой көтеріп, мектеп ғимараты оқушыларға есігін айқара ашуда. Ұлт ұстазы Ахмет Байтұрсынов «Елді түзетуді бала оқыту ісімен бастау керек» деген болатын. Бұл пікір әлі күнге өзектілігін жойған жоқ. Ұл-қыздарымыз сапалы білім алуы үшін оларға қолайлы жағдай жасауымыз керек. Биыл мемлекет тарапынан білім саласына баса назар аударылды. Алты мектептің құрылысын бастадық. 27 мектеп күрделі жөндеуден өтуде. Бір мектептің құрылысы аяқталып, міне іске қосылғалы тұр. №38 орта мектеп 1881 жылы салынған ескі ғимарат. Сол ғимаратта осы кезге дейін балалар білім алып келді. Зашағанда үш ауысымды мектептер болды. Мәселен, №10 орта мектепте бірінші сыныпта 17 сынып бар. Бұл ата-аналар үшін де қиындықтар туғызатын. Күні бүгін яғни бір ғимарат үш мектептің мәселесін шешуде.  Баланың мінез-құлқының негізі мектепте қалыптасады. Сондықтан ұстаздар мен ата-аналарға еліміздің болашақ мәдениетті, білікті, еңбекқор патриоттарын тәрбиелеу жолында сәттілік тілеймін, – деді   өңір басшысы Ғали Нәжімеденұлы.

Мектеп құрылысын атыраулық «Нұркапстройгаз» ЖШС жүргізген болатын. Салтанатты шарада сөз алған серіктесік директоры Әділбек Кәрімов құрылысты жоспарланған мерзімінен ертерек аяқтауға мүмкіндік туғызған өңір атқамінерлеріне алғысын білдіріп, жаңа ғимараттың кілтін мектеп-лицей директоры Шынар Сағынғалиеваға табыстады.  Бұдан соң өңір басшысы сәні мен салтанаты келіскен мектеп ғимаратының ішкі құрылымымен танысты.

Мектеп-лицей жаратылыстану-математика бағытында білім беретіндіктен, жай сыныптармен қатар лицей сыныптар да жасақталған. Ә.Молдағұлова атындағы №38 мектеп-лицейінің басшысы Шынар Сағынғалиеваның айтуынша, оқушылар мұнда физика, химия,  биология, математика пәндерін  тереңдетіп оқиды. Қосымша сабақтарда математика, физика, химия, биология пәндерінен оқушының пән бойынша тереңірек білім алуына, пәндік олимпиада, шығармашылық сайыстар, ғылыми жобаларға дайындалуға мүмкіндік жасалған. Лицей сыныптарына қабылдау бекітілген үлгі ережелеріне және конкурстық іріктеу негізінде емтихан тапсыру арқылы жүзеге асырылады.            Лицей   2020-2021 оқу жылын  316  оқушымен бастап, күні бүгінде  қашықтан оқытуда.

Болашақта жаңа мектеп ғимараты 1800 оқушымен жұмысын жалғастырады деп жоспарланып отыр. Штаттық режимге ауысқан жағдайда сабақтар екі ауысымда өтеді, І-ауысымда 900 оқушы, ІІ-ауысымда 900 оқушы оқитын болады. Мектептің жалпы педагог кадрлар саны – 145, оның ішінде  педагог-шебер – 1, педагог-зерттеуші – 21, педагог-сарапшы – 14, педагог-модератор – 40, жоғары санатты –  2, бірінші санаттысы – 2 ұстаз бар. Мектепте барлығы 49 кабинет бар, бастауыш сынып, биология, физика, химия,  география, смарт оқу, алғашқы әскери дайындық, информатика кабинеттері, зертхана бөлмелері бар. 20 орындыққа есептелген оқу залы бар кітапхана, 2 шеберхана,  барлық құралдармен жабдықталған спорт залы, 158 орынға есептелген көрермен залы, 260 орынға арналған асхана бар. Медициналық, логопедиялық, психолог кабинеттері қарастырылған.  Сол секілді  биология, физика, химия пәндері бойынша сандық лабораториямен қамтамасыз етілген. Мектеп кітапханасында оқушылардың қызығушылығын арттыру мақсатында Tead-x форматы енгізілген. Бұл өз кезегінде оқушының жеке тұлға ретінде белгілі бір бағыт бойынша өз көзқарасын ашық алаңда талқыға салуына, шешендік өнерін қалыптастыруға мүмкіндік бермек.

– Қазіргі таңда бүкіл дүние жүзінде робототехника ғылымы кең қолданыс тауып отыр. Робототехника автоматтандырылған техникалық жүйелерді құрумен айналысатын қолданбалы ғылым болып табылады. Осыған орай мектеп-лицей робототехника кабинетімен жабдықталған. Робототехника кабинетінде оқушылар заманауи сандық технологияларды қолдана отырып, лего-роботтар құрастырады, бағдарламалар жасайды, деректер моделін ойлап табады. «Smart мектеп» жүйесі орнатылды. Смарт оқыту  арқылы ақпараттық–коммуникациялық  технология  көмегімен  уақытқа,  кеңістікке  шектелмей,  ыңғайлы  білім  алу  мүмкіндік бар. Яғни, білімнің кең көлемді қолжетімділігі қарастырылған,  – дейді Ш.Октябрқызы.

Кәусар БАЙҒАЛИЕВА

 

Версия для печати

Пікір үстеу

Э-пошта мекенжайыңыз жарияланбайды. Міндетті өрістер * таңбаланған

Соңғы жаңалықтар
Қалалықтар қаперіне
2021 ЖЫЛҒЫ ҰЛТТЫҚ БІРЫҢҒАЙ ТЕСТІЛЕУ БАСТАЛДЫ
20 Қаңтар 2021
21 0
Өзек
ҚАЛТА ҰРЛЫҚШЫСЫ ҰСТАЛДЫ
19 Қаңтар 2021
87 0
Қалалықтар қаперіне
ӘКІМДЕРДІҢ ЕСЕП БЕРУ КЕЗДЕСУЛЕРІ ОНЛАЙН ӨТЕДІ
19 Қаңтар 2021
57 0
Қалалықтар қаперіне
«БРАКОНЬЕР» ЖЕДЕЛ АЛДЫН АЛУ ШАРАСЫ ЖҮРГІЗІЛУДЕ
18 Қаңтар 2021
116 0
Қалалықтар қаперіне
ЭЦҚ-НЫ ХҚО-ҒА БАРМАЙ-АҚ ҚАШЫҚТАН ҚАЛАЙ АЛУҒА БОЛАДЫ?
18 Қаңтар 2021
136 0
Қалалықтар қаперіне
ҚР ҮКІМЕТІНІҢ ЖАҢА ҚҰРАМЫ
18 Қаңтар 2021
136 0
Қалалықтар қаперіне
БҚО-ДА ШОҚЫНУ МЕРЕКЕСІНЕ 31 ШОМЫЛУ ОРНЫ ДАЙЫНДАЛАДЫ
15 Қаңтар 2021
319 0
Өзек
ТАЛ ТҮСТЕ ҰРЛЫҚҚА ТҮСКЕН
14 Қаңтар 2021
403 0
«Мемлекеттік бағдарламалар»

Қазақстан Республикасының үдемелі индустриялық-инновациялық дамуының 2010-2014 жылдарға арналған МЕМЛЕКЕТТІК БАҒДАРЛАМАСЫ

Қазақстан Республикасының денсаулық сақтау саласын дамытудың 2011 – 2015 жылдарға арналған «Саламатты Қазақстан» мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасында білім беруді дамытудың 2011 – 2020 жылдарға арналған мемлекеттік бағдарламасы

Қазақстан Республикасының үдемелі индустриялық-инновациялық дамуының 2010-2014 жылдарға арналған МЕМЛЕКЕТТІК БАҒДАРЛАМАСЫ

Қазақстан Республикасының денсаулық сақтау саласын дамытудың2011 – 2015 жылдарға арналған «Саламатты Қазақстан»
мемлекеттік бағдарламасы

«Ғаламтор ресурстары»