КіруҚЫЗЫЛШАҒА ҚАРСЫ ҚОСЫМША ИММУНДАУ ЖҮРГІЗІЛЕДІ
16 қыркүйектен бастап Батыс Қазақстан облысында 20-29 жастағы адамдарға қызылшаға және қызамыққа қарсы қосымша иммундау жүргізіледі. Бұл туралы бүгін өңірлік коммуникациялар қызметінің ақпарат алаңында өткен баспасөз мәслихатында Батыс Қазақстан облысы тауарлар мен қызметтердің сапасы мен қауіпсіздігін бақылау департаментінің мамандары хабарлады.
Вакцинацияға Қазақстан Республикасы Қорғаныс министрлігінің, Қазақстан Республикасы Ішкі істер министрлігінің, Қазақстан Республикасы Ұлттық қауіпсіздік комитетінің әскери қызметшілері мен жеке құрамы, сотталғандар мен тергеумен қамауға алынғандарды қоса алғанда, 20-29 жас аралығындағы барлық адамдар, егу мәртебесіне қарамастан болатын жері бойынша вахталық әдіспен еңбек қызметін жүзеге асыратын адамдар жатады.
Тұрақты медициналық қарсы көрсетілімдері бар, 2018-2019 жылдары қызылшаға және қызамыққа қарсы егілгендігі туралы құжаттамалық растауы бар адамдар, жүкті әйелдер мен лактация кезеңіндегі әйелдер қызылша мен қызамыққа қарсы профилактикалық егулерге қосымша иммунизацияланбайды.
Азаматтық халықты вакцинациялау аумақтық медициналық ұйымдардың егу пункттерінде жүргізіледі. Қосымша иммундауды жүргізудің қажеттілігі республиканың барлық аумағында және әлемде қызылша ауруының тіркелуінің жалғасуымен байланысты.
Батыс Қазақстан облысы тауарлар мен қызметтердің сапасы мен қауіпсіздігін бақылау департаментінің басшысы Р.Құбатаевтың айтуынша, дүниежүзілік денсаулық сақтау ұйымының Еуропалық өңірлік бюросының 2019 жылғы 30 шілдесіндегі деректеріне сәйкес 130 мыңнан астам қызылша ауруы тіркелген. Соның ішінде 53 мемлекеттің 49 өңірінде қолайсыз жағдайлары тіркелді. Бұл ретте Қазақстан Украиндан кейінгі екінші орында. Нақтырақ айтсақ, Украинада 84 394 жағдай, Қазақстанда 9 430 жағдай тіркеліп отыр. Қазақстан Республикасында қызылша бойынша асқынудың эпидемиологиялық жағдайы 2018 жылдың қараша айынан бастау алған, 2019 жылы аурудың өршу мерзімі қантар-ақпан айларында байқалады.
– Ағымдағы жылы облыста қызылшаның 119 жағдайы тіркелді. Оның ішінде 83-і – зертханалық расталса, 36 жағдайда науқаспен эпидемиологиялық байланыста болғандығы анықталды. 14 жасқа дейінгі балалардың үлес салмағы 45,4% құрады (54 жағ.), 100 мың тұрғынға шаққанда аурушаңдық көрсеткіші 18,3 құрайды. Аурушаңдық 6 әкімшілік аумақта, соның ішінде Орал қаласы бойынша – 75 жағдай, Бәйтерек ауданында – 23 жағдай, Бөрлі ауданында – 7 жағдай. Бөкейорда ауданында – 6 жағдай, Сырым ауданында – 4 жағдай, Теректі ауданында – 4 жағдай тіркелген, – дейді Ринат Құбатаев.
Аурудың жоғары көрсеткіші 20 жастан асқан егілмеген тұрғындар (ауырғандардың 44,4% 20 жастан асқан адамдар) және 1 жасқа дейінгі егу жасына жетпеген балалар (46,2%) арасында тіркелуде. Департамент басшысының айтуынша, иммундауды профилактикалық егулер жүргізуге рұқсаты бар медициналық қызметкерлер жүргізеді. Облыс бойынша 20-29 жас аралығындағы 64 700 адамды қосымша иммундау көзделіп отыр.
20-29 жас аралығындағы тұлғаларға қосымша иммундау жүргізу үшін облыста денсаулық сақтау мекемелерінде 241 стационарлық егу пункті жұмыс істейді. 119 егу бригадасы дайындалған. Қажеттілікті қамтамасыз ететін тоңазытқыштардың жалпы саны – 497. Жекелеген учаскелерде халықты қосымша иммундау үшін облыста 118 елдімекенге қызмет көрсететін 130 көшпелі бригадалардың жұмысы ұйымдастырылған.
Батыс Қазақстан облысы бойынша «СК-Фармация» ЖШС бірыңғай дистрибютері арқылы сатылып алынған қызылша мен қызамыққа қарсы вакциналар қыркүйек айының ортасында 71 200 доза мөлшерінде келіп түседі. Қызылша мен қызамыққа қарсы вакцина – үндістан елінде өндірілген, ДДСҰ ұсынылған екікомпонентті вакцина болып табылады. Ресейде өндірілген тұмауға қарсы вакцина 65 000 доза мөлшерінде (2019 жылдың қыркүйек айында – 60480 доза, қазан айында – 4520 доза) келіп түседі деп күтілуде.
Қызылша – дене қызуының жоғарылауымен, катаральды белгілермен жөтел, мұрынның бітуі, тамақтың ауыруы және бөртпемен сипатталатын жіті вирусты жұқпалы ауру. Қызылшаның алғашқы белгілері – жалпы шаршағандық, дене қызуының жоғарылауы, бастың ауруы, мұрынның бітелуі, тамақтың ауыруы, жарықтан қорқу, конъюнктивит, жөтел. Негізгі белгілері – дененің барлық бөлігінде бөртпе, бірінші бастан басталып, дененің төменгі бөлігіне және аяққа таралады. Қызылша пневмония (өкпенің қабынуы), бронхит, энцефалит (ми қабығының қабынуы) сияқты ауыр асқынулармен қауіпті, олар медициналық көмекке кеш жүгінгенде және ауыр қосымша аурулар болған жағдайда өлімге әкелуі мүмкін. Қызылшаны емдеудің тиімді және ерекше әдісі жоқ. Қызылшадан жалғыз тиімді қорғану бұл вакцинация болып табылады.
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу