КіруЫСТЫҚТАН САЯ ІЗДЕП, СУЫҚ ТИГІЗІП АЛМАҢЫЗ
Облыста ыстық ауа райы әлі де сақталады. Кей аудандарда сынап бағаны +43 градусқа дейін көтерілуі мүмкін. Бұл туралы Казгидромет орталығының мамандары мәлімдеді. Осы орайда дәрігерлер жасы егде тартқандарға үйде отыруға кеңес береді.
Шілденің шіліңгір ыстығы кім-кімге де қолайлы болмай тұр. Әсіресе, өкпе қабынуы дендеген шақта медициналық көмек қажет жандардың саны екі есеге артқан. Осы орайда ыстықтан жандарына сая іздеген жандардың балмұздақ, тоңазытқыштан сусын ішпегені абзал дейді жедел жәрдем қызметкерлері. Өйткені ағзаға бірден түскен суық сусын өкпенің қабынуына әкеп соқтыратын көрінеді.
– Мәселен, былтыр осы кезеңде күніне 500-600 шақырту түскен болса, бүгінгі уақытта тәулігіне 1500-1700-ге дейін жедел жәрдем қызметіне қоңырау түсуде. Барлығы облыс бойынша 39 бригада жұмыс жасайды. Оған қоса емханалар жанынан құрылған көмек тобы бар. Қазіргідей аптап ыстықта барынша суық тигізіп алмаудың қамын жасау қажет. Өйткені пневмания дерті мен коронавирус инфекциясы өршіп тұр. Оған қоса жедел жәрдем қызметінің мамандары арнайы медициналық формамен көмек көрсетеді. Костюмдерді киіп-шешу оңай емес. Сол себепті өздеріңізді күтіңіздер,– деді облыстық жедел жәрдем стансасының директоры Мадияр Өтешов.
Синоптиктер осы орайда аптап ыстық өңірде әлі де сақталады деп болжайды. Мәселен, шілденің 8 мен 10 жұлдызы аралығында жауын-шашынсыз ауа райы сақталады.
– Жел оңтүстік-шығыстан 3-8 м/с. Температура түнде 20-25, күндіз 35-40, оңтүстікте 43 градус жылы болады дейді ,– «Қазгидромет» РМК БҚО филиалының инженер синоптигі Дәурен Ишанов.
Өткен демалыс күнінен бері екі апталық карантиндік шектеулер енгізілді. Жасы 65-тен асқан тұлғалардың тысқа шығуына шектеулер қойылды. Оған қоса қолайсыз ауа райында олардың үйде қалғандары дұрыс. Өйткені, егде жастағы жандардың жүректері әлсіз келетіндіктен қан қысымы көтеріліп, жағдайларының нашарлауы бек мүмкін. «Сақтансаң, сақтармын» демекші, бірінші байлық денсаулығымызға баса мән берейік.
Айнара ТӨЛЕУҒАЛИ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу