КіруҒЫЛЫМИ-КЕҢЕС ТОБЫ ЖЫЛДЫ ҚОРЫТЫНДЫЛАДЫ
Бүгін Қазақстан инновациялық және телекоммуникациялық жүйелер университетінде ғылыми-кеңес отырысы өтті. Жиынға білім кешенінің құрылтайшысы, академик Ақсерік Әйтімов, оқу орнының академиялық серіктестері қатысты.
Жиынның күн тәртібінде академиялық серіктестері ғылыми жобалар бойынша есеп берді. Сондай-ақ қабылдау комиссиясының 2018-2019 оқу жылында студенттердің саны мен сапасын арттыру бағытындағы жұмысы қорытындыланды.
Жиынды ашқан «ҚазИИТУ» ғылыми-білім кешенінің құрылтайшысы Ақсерік Әйтімов Елбасы Жолдауы аясында білім ордасында бірқатар жұмыстар атқарылып жатқанын жеткізді. Өз кезегінде «ҚазИИТУ» ғылыми-білім кешенінің ректоры Әліби Баяхов білім ордасында 2016 жылы басталған зымыран жобасы бойынша ғылыми топ жұмыс істеп жатқанын, осыған орай Бөкей ордасы, Жәнібек, Жаңақала, Қазталов аудандары Капустин Яр полигонына жақын орналасқан аймақтар болғандықтан, ғылыми кеңес тобы аталмыш аудандарға арнайы барып, жұртшылықпен жүздесіп, көптеген мәселелерді қаперге алғанына тоқталды. Осы бағытта болашақта арнайы мақалалар жинағы шығарылып, халықаралық ғылыми-практикалық конференциялар өтетінін тілге тиек етті.
Ал Ресей ғарыш академиясының кеңесшісі, «Ресей ғарыш» журналының тілшісі Валентина Полетаева Капустин Яр полигонынан 1947 жылы 18 қазанда бірінші ракета ұшырылғандығы туралы деректерді алға тартып, қызметтес болған қазақстандық әріптестері туралы әңгімеледі.
Кәусар БАЙҒАЛИЕВА
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу