КіруVolvo (фура) и МАЗ (бензовоз) автокөліктерінің соқтығысуы орын алды
2022 жылғы 2 қыркүйек күні 15 сағат 09 минутта Орал қаласы Айтқұлов көшесі және Саратов тас жолының қиылысында Volvo (фура) и МАЗ (бензовоз) автокөліктерінің соқтығысуы орын алып, № 3 мамандандырылған өрт сөндіру бөлімінің қызметкерлері өрт қауіпсіздігін қамтамасыз етті.
Құрметті көлік иелері!
– әрбір көлік құралы көлемі 2 литрден кем емес жарамды өрт сөндіргішпен жабдықталуы тиіс. Бұл жағдайда өрт сөндіргіштің құрылғысын білу және оны қолдана білу керек.
– автокөлік тораптары мен механизмдерін жарамды күйде ұстаңыз;
– аккумуляторларды тікелей көлік құралдарында зарядтауға жол бермеңіз.
Егер сіздің автокөлігіңіз қозғалыс кезінде жанса, өрт кезінде автокөлікте келесі тәртіп ережелерін сақтаңыз:
– көлікті тоқтатыңыз;
– қозғалтқышты өшіріңіз;
– капоттың құлпын босатыңыз, бірақ қолыңызда алғашқы өрт сөндіру құралдары болғанға дейін капотты ашпаңыз;
– барлық жолаушыларды шығарыңыз;
– өртке қарсы қызметке «101» телефон нөмірі бойынша немесе «112» құтқару қызметіне қоңырау шалыңыз;
– егер қауіпті болмаса, көлікте бар өрт сөндіргішті пайдалануға тырысыңыз;
Өрт сөндіру кезінде мотор бөлігінде суды пайдаланбаңыз, себебі бұл электр өткізгіштің қысқа тұйықталуына немесе жанып жатқан бензиннің таралуына және жану алаңының ұлғаюына әкелуі мүмкін.
Құрметті автокөлік иелері, өртті сөндіргеннен гөрі алдын алу оңай екенін ұмытпаңыз!
Соңғы жаңалықтар
«Су тасқынынан зардап шеккендерге өтемақы төлеуде жеделдік қажет»
Батысқазақстандық полиция қызметкерлеріне гуманитарлық көмек жіберілді
Пікір үстеу