КіруУНИВЕРСИТЕТТЕ – ЖАҢА КОВОРКИНГ ОРТАЛЫҚ
Жәңгір хан атындағы Батыс Қазақстан аграрлық-техникалық университетінде коворкинг орталық ашылды.
Оқу орнының екінші қабатында орналасқан кітапхана жанынан ашылған коворкинг орталық – студенттердің түрлі жобалармен жұмыс жасауына мүмкіндік бермек. Орталық үш аймаққа бөлінген. Ұлттық нақышта жабдықталған бірлескен жұмыс аймағы – түрлі жаңа жобаларды талқылауға ыңғайлы үлгіде жабдықталған, ал жеке жұмыс алаңында – түрлі ақпараттарға қол жеткізу мүмкіндігі бар. Ақпараттық, әдеби-танымдық, қоғамдық-саяси, техникалық, экономикалық және тіл біліміне қатысты газет-журналдар, жаңа кітаптарды осы аймақтан табуға болады. Жоғары жылдамдықтағы интернет жүйесіне қосылған бірнеше компьютер де студенттердің қолдануы үшін қойылған.
– Жастар арасында қазір мотивациялық кітаптар кең сұраныста. «100 жаңа кітап» жобасы бойынша аударылған 47 кітап біздің қорымызда бар. Олардың ішінде бизнеске қатысты кітаптар көп және олар электронды түрде қолжетімді. Студентеріміз осы кітаптарды жиі оқиды, – дейді ғылыми кітапхана директоры Айгүл Есенаманова.
Орталықтағы кең аумақ тренингтер өткізуге арналып, жасақталған. Коворкинг орталықтың ашылуымен студенттердің облыстағы жастар ұйымдары жетекшілерімен кездесу ұйымдастырылды.
Елмұра АСХАТҚЫЗЫ
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу