КіруТАТУЛЫҚТЫ ТУ ЕТТІ
Қаңтардың 6-сы күні «ҚазИИТУ» ғылыми-білім кешенінің ұжымы мен студенттері әлемдегі барлық православ христиандарымен бірге Рождество мерекесін атап өтті. Мерекеге жиналғандарды «ҚазИИТУ» ғылыми-білім кешенінің құрылтайшысы, ҚР Ұлттық инженерлік академиясы Батыс Қазақстан филиалының төрағасы, академик, профессор Ақсерік Әйтімов құттықтап, бұл қасиетті күн адамдар арасындағы мейірімділікті, кешірімділікті, шыдамдылық пен сүйіспеншілікті бейнелеп, жаңа өмірдің басталғанын сипаттайтынын, әлеуметтік-саяси маңызы өте жоғары екенін, оқу орнында барлық конфессиялар тату-тәтті білім алып жүргенін атап өтті. 
– Мемлекет басшысының халық бірлігі мен дәстүрлі мәдени құндылықтарға негізделген даналы конфессияаралық саясатының арқасында бүгінгі күні Қазақстанда келісім мен тұрақтылық нығайып келеді. Бұл әр отбасына бейбітшілік пен береке, бақыт пен молшылық тілеймін! Қазақ қоғамының негізгі ұстанымының бірі — еліміздегі рақымшылыққа, жақсылыққа баулитын түрлі дін өкілдеріне, олардың ұлттық мәдениетіне құрметпен қарау. Рождество — Иисус Христостың туған күні. Бұл күн христиандардың басты мерекелерінің бірі болып есептеледі. Рождество мейрамын барлық христиандар атап өтеді. Бұл түнде рождество алдындағы ауыз бекіту аяқталып, дәстүрлі тағамдарға толы мерекелік дастарқан жайылады. Олар бір-біріне тәтті тағамдар ұсынып, түрлі сыйлықтар жасайды. Мереке кезінде дос-жаран, тума-туыс бір-бірін ізгі ниетпен құттықтап, барша жан мейірімділік танытып, жоқ-жітік адамдарға қайыр-садақа таратып, қамкөңіл жандарды қуантып, жетімдерге тарту-таралғылар жасаған жөн деп санайды. Сонда ғана құдайдың шапағатына бөленеді деген наным бар. Ғасырлар бойы қазақтың дархан даласында түрлі мәдениет, дін мен салт-дәстүрді ұстанатын сан-алуан халықтардың тағдыры ұштасып жатты. Соның нәтижесінде қазір қазақ халқымен бірге бір шаңырақ астында 140 этнос пен 40 конфессия өкілдері бейбіт ғұмыр кешуде. Ұзақ уақыт көршілес өмір сүрген халықтарда бір-біріне деген тұрақты шыдамдылық пен бір-біріне құрмет дәстүрі қалыптасқан, – деген Ақсерік Сарыұлы еліміздегі ислам мен православие діндері арасындағы көп жылдық берік достық қазақстандықтардың рухани өмірінде, патриоттықты тәрбилеуде, азаматтардың ынтымағы мен келісімінің нығаюында маңызды рөл атқаратынын жеткізді. Кеш барысында көпшілік бұл мерекенің тарихын бейнеролик арқылы тамашалады. Бұдан соң халықтың наным-сенімдері туралы көріністер көрсетіліп, жиналғандар шыршаны айнала би билеп, көңіл сергітті. Бұл күні барлық дін өкілдері өзара ынтымақтастықта тұратын мемлекеттің үлгісін паш етіп, көпұлтты еліміздің татулығын арттыра түсті.
Кәусар БАЙҒАЛИЕВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу