КіруТАСАДА ЖҮРГЕН ТАЛАНТТАР
Екі-үш ай бұрын Қадыр Мырза Әлі атындағы мәдениет және өнер орталығы осындай атаумен жаңа жобаны қолға алғанын жариялаған болатын. Жоба шеңберінде жарқ етіп сахнаға шыға алмай жүрген өнерлі жандар Қадыр орталығына шақырылды. Үш ай бойы жүргізілген жоба шеңберінде іріктеуден өткендер 17 қыркүйек күні орталықта ұйымдастырылған гала концертте өнерлерін паш етті.
– Жоба түрлі салада тіршілік қамымен жүріп тасада қалған кейбір жерлестеріміз үшін қолға алынды. Ән, би, аспапта орындау немесе бейнелеу өнері саласынан көптеген таланттар жиналды. Осы жоба арқылы олардың жаңа тыныстарының ашылуларына мүмкіндік сыйласақ біздің мақсатымыздың орындалғаны, – дейді орталық директорының орынбасары Мәди Сабыр.
Кеш барысында жоба қатысушылары классикалық, эстрадалық жанрда ән айтты. Мың бұрала билегендер де, күмбірлетіп күй шерткендер де табылды. Сондай-ақ қылқалам шеберлерінің туындылары жұрт назарына ұсынылды. Мәселен, медицина саласында қызмет атқарып жүрген білікті дәрігер Нұрлан Байыров көпшілік алдында бір көрерменнің портретін салып таң қалдырды. Ал қоршаған ортаны қылқаламымен сөйлетіп жүрген Ғинаят Дауылбаев есімді өнері иесінің жеке сурет көрмесін алдағы уақытты Қадыр орталығы өткізіп бермек.
Қадыр ақынның орталығына жиналған көрермендер үшін бұл кеш түрлі тосынсыйларға толы болды. Жұртшылық ел ішіндегі дарындардың өнеріне ризашылықтарын қошеметтерімен білдірді. Сондай-ақ жоба қатысушылары орталық директоры Б.Халиолланың атынан Алғыс хаттармен марапатталды.
Елмұра АСХАТҚЫЗЫ
Версия для печатиСоңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
Пікір үстеу