КіруТӨТЕНШЕЛІКТЕР ШОМЫЛУ МАУСЫМЫНА ДАЙЫНДЫҚТЫ БАСТАДЫ
Өткен жылы облыс су айдындарында 25 суға бату фактісі тіркеліп, 29 адам қаза болған, оның сегізі бала. 16 адам құтқарылса, оның сегізі бала. Биыл балық аулау кезінде орын алған бір суға бату фактісі тіркелді. Көп жағдайда тұрғындардың арнайы жабдықталмаған жерлерде шомылуы, ішімдік ішкен күйі суға түсуі, балық аулауға тыйым салу кезеңінде өзен жағалауы қайғылы жағдайға себеп. Бұл туралы бүгін БҚО Өңірлік коммуникациялар қызметінің ақпарат алаңында өткен брифингте облыстық Төтенше жағдайлар департаментінің бастығы Жасұлан Жұмашев мәлімдеді.
Департамент басшысының сөзіне сүйенсек, облыс әкімдігінің қаулысына сәйкес, су объектілері мен су шаруашылығы құрылыстарында 69 орын анықталған. Өңірімізде су айдындарында жаппай демалу үшін талапқа сай тоғыз жағажай қарастырылған. Үшеуі – Орал қаласында, үшеуі – Бәйтерек ауданында және үшеуі – Теректі ауданында. Қаладағы «Металлист» және «Коминтерн» жағажай қызметтерін жабдықтау инвестициялық жобада тұр, ал облыс аудандарында көпшілік демалатын су айдындарында жағажай қызметтерін жабдықтауға кәсіпкерлерді тарту жұмыстары жүргізілуде екен. Қазіргі таңда қауіпті аймақтарда 308 тыйым салу белгісі және 151 ақпараттық стенд орнатылған, қазіргі уақытта қосымша белгілерді жаңарту және орнату жалғасуда. Облыс аумағында 19 жазғы балалар лагері болса, соның алтауы су қоймаларына жақын орналасқан. Сүңгуірлер «Евразия» туристік-сауықтыру кешені мен «Самал» туристік лагері аумағында балаларды жазғы мезгілде жүзуге үйретуді жоспарлап отыр. Карантин аяқталған соң Төтенше жағдайлар департаментінің күшімен өзге де жағажайларда ұйымдастырылмақ. Су айдындарындағы төтенше жағдайдың алдын алу үшін 72 құтқарушы, 21 жүзу құралы, бір катер және 15 автокөлік сақадай-сай тұр.
Төтенше жағдайлар департаменті Жергілікті полиция қызметімен бірге карантиндік іс-шаралар аяқталғаннан кейін адамдар көп шомылатын жерлерде рейдтік іс-шаралар жүргізуді жоспарлады. Патрульдеу кезінде суға шомылып жүрген азаматтарға ескерту сипатындағы әңгіме жүргізіліп, судағы қауіпсіздік шаралары туралы парақшалар мен буклеттер таратылады.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Пікір үстеу