КіруТӨРТ АЙ БОЙЫ ҰРЛЫҚ ЖАСАҒАН
Орал қ.ПБ криминалдық полиция бөлімінің жедел уәкілдері іздестіру іс-шаралары барысында 4 ай бойы ұрлық жасап, қылмыспен айналысқан әккі топты құрықтады. Бұл туралы Орал қалалық Полиция басқармасының баспасөз қызметі мәлім етті.
Бұл топтың құрамындағы Б. және К.есімді Орал қаласының тұрғындары қаланың бірнеше аудандарын, соның ішінде «Асан» мен «Самал» ықшам аудандарын аралап, гараждарды нысанаға алған. Гараждардың есігін темір ломмен қайырып, сындырып ашып, гаражға кірген. Гараж ішіндегі қолына іліккен құрылысқа қажетті түрлі құрал-саймандарды ұрлаған. Ол жерден ұрлауға лайықты жеке мүлік таппаса, жарлас салынған үйдің есігін бұзып, үй ішіне кірген. Үй ішінен де көзіне ілінген алғашқы құралдарды жымқырып, оқиға орынынан ілезде тайып отырған. Кейбір саяжай қоғамдарындағы саяжайлардың есігін қиратып, бірнеше тұрмыстық техникаларды көтеріп шыққан.
Топ құрамындағы бұл екі жігіт Орал қаласының тұрғындары, бұған дейін бірнеше рет қылмыс жасағаны үшін, сотталған көрінеді. Осы қылмысқа қатысты жеке мүлік иелеріне өте көп мөлшерде материалдық залал келгені тәркіленген заттарды көргенде-ақ білінеді.
Қазіргі күні Орал қ.ПБ КПб мүліктік қылмыстарды ашу тобының жедел уәкілдері айғақ заттардың барлығын қос күдіктіден тәркілеп, Орал қ.ПБ-на жеткізді. Үйіне немесе гаражына, саяжайына ұры түсу фактісі бойынша шағымданған иелері басқармаға хабарласып, аяқтай келіп, өз заттарын танып алуда. Басқарма ҚР ҚК-нің 188 бабының 3-тармағына сай 10 эпизодпен қылмыстық іс қозғады. Тергеу амалдары жүргізілуде. Жедел уәкілдердің кәсіби шеберліктері мен тынымсыз іздестіру жұмыстары өз нәтижесін берді деген осы. Жеке мүліктерінен айырылған бірнеше азаматтар заттарын танып, полиция қызметкерлеріне алғыстарын айтуда.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу