КіруТөл мерекеге арналған шара
Қазанның 22-сі күні «Атамекен» өнер орталығында Республика күніне арналған салтанатты жиын болып өтті. Салтанатты жиын Қазақстан Республикасының Мемлекеттік Туы орналасқан сахна төрінде Қазақстан Республикасының мемлекеттік ән ұранымен басталды.
Шараға облыс әкімі Ғали Есқалиев, облысымыздың барлық аудандарынан келген, әрбір салада қызмет еткен еңбек ардагерлері, мекеме, ұйым, кәсіпорын басшылары, кәсіпкерлер қатысты.
Жиында сөз алған облыс әкімі Ғали Есқалиев барша батысқазақстандықтарды төл мерекемен құттықтап, баяндама оқыды.
– Баршамызға мәлім, 2022 жылғы 16 маусымда Ұлытауда өткен ұлттық құрылтайдың бірінші отырысында Қазақстан Республикасының Президенті Қасым Жомарт Кемелұлы Тоқаев Республика күні мәртебесін қайта қалпына келтіруді және 25 қазанда ұлттық мереке ретінде атап өтуді ұсынды. Осылайша, Республика күнін мерекелік күнтізбеде қайта жаңғырту – бұл Жаңа Қазақстан өкілдерінің өз тарихи бастауын мойындауы мен ұрпақтар сабақтастығының, мемлекеттік тәуелсіздік жолындағы халқымыздың тарихи еңбегі мен еркіндігін құрметтеудің символына айналмақ,- деді облыс әкімі Ғали Нәжімеденұлы.
Баяндамадан кейін облысымыздың өркендеуіне елеулі үлес қосып, тынымсыз еңбектерімен ерекшеленген еңбек ардагерлері, барлық салада еңбек етіп жүрген басшылар мен кәсіпкерлерді ҚР Президенті Қ.К.Тоқаевтың 2022 жылғы 14 қазандағы Жарлығы бойынша мемлекеттік наградалар, «Ерен еңбегі үшін» медальдарымен алғыс хаттармен марапаттады. Шара соңы мерекелік концертпен жалғасты.
Гүлжан АЯЗБАЕВА
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу