СУРЕТШІДЕН СЫЙ
Оралдық суретші Ольга Валерова бүгінгі таңдағы ахуалға орай дәрігерлерге қолдау көрсету мақсатында қабырғаға сурет салды. Ол осылайша індетпен күресуде уақытпен санаспай еңбек етіп жүрген ақ халатты абзал жандарға күш беруді жөн санаған. Бастамаға қалалық әкімдік мұрындық болып, жас суретшіге қолдау білдірген.
Ольга Валерева – Сәкен Ғұмаров атындағы көркем-сурет мектебінің түлегі. Стрит-артпен бұрыннан шұғылданып келеді. Дегенмен, осы еңбегінің мән-маңызы басым екенін айтты.
– Мен қабырғаға алғаш рет сурет салып отырған жоқпын. Бірақ бұл жолы осы туындыны ерекше ықыласпен қолға алдым. Оның себебі елімізде жағдай жақсарып келеді. Оған ең алдымен медицина мамандарының еңбегі ерен. Мен сурет салуға алған бұл орын өте лас еді. Орынды тазалап, қолыма бояу алып, дәрігердің бейнесін қабырғаға түсірдім, – дейді суретші.
Стрит-арт шеберінің дәрігерлерге арнаған тартуын City center ауданынан көруге болады.
Айнара ИСА,
zhaikuni.kz
Версия для печати
Пікір үстеу