КіруСУ ТАСҚЫНЫ КЕЗЕҢІНДЕГІ ТӨТЕНШЕ ЖАҒДАЙДЫҢ АЛДЫН АЛУ ЖОСПАРЫ БЕКІТІЛДІ
Бүгін, 19 ақпан күні өңірлік коммуникациялар қызметі ұйымдастырған брифингте 2021 жылғы су тасқыны кезеңіне дайындық мақсатында тасқын суларды апатсыз өткізуге бағытталған іс-шаралар кешені мәлім етілді. Бұл туралы БҚО ТЖД Төтенше жағдайларды жою басқармасының бастығы Бақытжан Ихсанов баяндап берді.
Облысымызда 2021 жылғы су тасқыны кезеңіндегі төтенше жағдайдың алдын алу жоспарын бекітілді. Төтенше жағдай жөніндегі облыстық комиссияның отырысы өткізіліп, тасқын суларды апатсыз өткізу үшін барлық қажетті шараларды қабылдау туралы облыс әкімінің өкімі мүдделі мекемелерге жолданды. Күзгі-қысқы кезеңдегі ТЖ алдын алу жоспарына сәйкес, су тасқыны кезеңіне дайындық бойынша бастапқы іс-шаралар жүргізілуде. Қар шығару және еріген қар суын сору жұмыстары жүргізілуде. Шығарылған қардың көлемі 461 мың текше метрден астам, сорылған еріген су көлемі – 1150 текше метр. Бұл жұмыс жағасуда.
Облыс аумағында су тасқыны жағдайының алдын алу мақсатында «Су тасқыны – 2021» айлығы жарияланды. айлық аясында департамент бөлімшелері су тасқыны жағдайы туындағанда іс-әрекеттер туралы жадынамаларды тарата отырып, су тасқыны қауіпті елдімекендерде тұратын халыққа профилактикалық жұмыстарды жүргізеді. Сонымен қатар департамент бөлімшелері еріктілермен бірлесіп, ҰОС және тыл ардагерлеріне аулалар мен іргелес аумақтарды тазалауға көмек көрсетеді.
– Жыл сайын су тасқыны кезеңінде аула аумақтары мен елді мекендердің көшелерін еріген су басу жағдайлары туындайды. Еріген су тасқынының себептерінің бірі-қарды уақтылы жинамау. Қазақстан Республикасының «Әкімшілік құқықбұзушылық туралы» кодексінің 505-бабына сәйкес аумақты абаттандыру ережелерін бұзғаны үшін, оның ішінде қарды уақтылы жинамағаны үшін әкімшілік жауапкершілік қарастырылған. Бүгінгі күні Орал қаласында аумақты абаттандыру барысында қарды уақтылы жинамау фактілері бойынша 4 кәсіпкер әкімшілік жауапкершілікке тартылды, – деді Төтенше жағдайларды жою басқармасының бастығы Бақытжан Ихсанов.
Облыс бойынша резервте 1,5 млрд. теңге қарастырылған. Бүгінгі таңда 443 тонна жанар-жағармай, 88 мың дана қап, 22 мың тонна инертті материал қоры дайындалды. Сондай-ақ қосымша шарт жасау үшін қаржы көзделіп отыр. Атап айтқанда, мұз жару бригадалары үшін 6,820 млн.теңге, аэровизуальді зерттеулер жүргізу үшін тікұшақты тартуға 16,7 млн. теңге және қаптар сатып алу,а 2,895 млн. теңгеге шарттар жасасуға қаражат көзделген.
Көктемгі кезеңдегі Төтенше жағдайды жоюға тартылатын күштер мен құралдардың жалпы тобы 2591 адамды, 734 бірлік техниканы, 45 жүзу құралын және 295 (оның ішінде ТЖД-88) мотопомпаны құрайды. Күштер мен құралдардың дайындығы «Көктем-2021» республикалық командалық-штабтық оқу-жаттығу барысында тексерілетін болады.
Тасқын сулардың өтуі бойынша Ақтөбе, Атырау және Ресей Федерациясының шекаралас облыстарымен болжамдық және жедел ақпаратпен тұрақты негізде алмасу жүргізілуде.
Эльмира НҰҒМАНОВА,
zhaikuni.kz
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу