КіруСУ ТАСҚЫНЫ БҚО-ДАҒЫ 85 ЕЛДІМЕКЕНГЕ ҚАУІП ТӨНДІРУІ МҮМКІН
Көп жылдық мониторингке сәйкес Батыс Қазақстан облысы бойынша 36 мыңнан астам халық тұратын 85 елдімекен су тасқыны қаупіне ұшырайды. Ең қауіпті аумақтар – Орал қаласы, Тасқала, Казталов және Бәйтерек аудандары. Көктемгі су тасқыны қардың қарқынды еруімен байланысты айтарлықтай жағымсыз салдарға әкелуі мүмкін. Өңірлік коммуникациялық қызметі ұйымдастырған брифингте БҚО ТЖД бастығы Жасұлан Жұмашев су тасқынын алдын алуға дайындық туралы айтып берді.
Департамент бастығының сөзінше, елдімекендерді су басу қаупінің 3 деңгейі анықталып отыр. Өңірде су басудың жоғары деңгейі 27 елді мекенге қауіп төндіреді, 50 елдімекенге орташа деңгейде қауіп бар. Ал сегіз елдімекенге төменгі деңгейде қауіп болады.
Облысымызда көктемгі су тасқыны ірі трансшекаралық өзендердің табиғи ағынына ғана емес, сонымен қатар Ресей Федерациясының аумағында орналасқан су қоймаларынан жібірлетін су көлеміне де байланысты. Осы мақсатта РФ әріптестерімен, атап айтқанда Саратов және Орынбор облыстарымен су тасқыны жағдайы бойынша Ириклин және Варфоломеев су қоймаларын қауіпсіз және өзара тиімді пайдалану мәселелері бойынша өзара болжамдық және жедел ақпарат алмасу тұрақты негізде жүргізіледі.
Бүгінгі таңда «Қазгидромет» филиалының мәліметі бойынша қардың максималды биіктігі 31 см құрайды, топырақтың қату көрсеткіші 35-69 см. Утва, Чижа-2, Өлеңті және Шідерті өзендерінің бассейндерінде ылғал қорының көлемі қалыптышегінде, Деркөл және Шаған өзендерінің бассейндерінде көп жылдық көрсеткіштерден 13-16 пайызға төмен. Қазіргі уақытта қар жинау процесі жалғасуда. Су тасқынының соңғы болжамы наурыздың бірінші онкүндігінде күтіледі.
Су тасқыны кезеңіндегі төтенше жағдайлардың алдын алу мақсатында Батыс Қазақстан облысының аумағында іс-шаралар кешені жүргізілуде. Облыс әкімі 2021 жылғы су тасқыны кезеңіндегі ТЖ алдын алу жоспарын бекітті. ТЖ жөніндегі облыстық комиссияның отырысы өткізіліп, тасқын суларды апатсыз өткізу үшін барлық қажетті шараларды қабылдау туралы облыс әкімінің өкімі жіберілді, су тасқыны жағдайының ықтималдығы көрсетілген картасында облыс әкімінің шешімі әзірленді, облыстық, қалалық және аудандық су тасқынына қарсы комиссиялар мен штабтар құрылды. Мүдделі қызметтердің мамандары су тасқыны кезеңінде еріген қар суымен басу қаупі бар учаскелерін тексеру жүргізуде.
– Су тасқыны кезеңінің бірінші кезеңі еріген қар судың өтуі болып табылатынын ескере отырып, бірінші кезекте аула аумақтарын, көшелер мен әлеуметтік, коммуналдық объектілер аумақтарын еріген қар суы басу қаупі туындайтынын атап өту қажет. Еріген қар суымен басу себептерінің бірі – қарды уақтылы жинамау. Осыған байланысты, облыс тұрғындары, ұйымдар мен кәсіпорындардың басшылары аулалардан және көрші аумақтардан қар шығару жұмыстарын жүргізіп, еріген судың еркін ағуы үшін арықтар жасауы қажет. Сондай-ақ, жазатайым оқиғалардың алдын алу үшін шатырларды қардан және сүңгілерден тазарту жұмыстарын жүргізу қажет, – деді Жасұлан Қыдырғожаұлы.
Қазақстан Республикасының «Әкімшілік құқық бұзушылық туралы» Кодексінің 505-бабына сәйкес аумақты абаттандыру ережелерін бұзғаны үшін, оның ішінде қарды уақтылы жинамағаны үшін әкімшілік жауапкершілік қарастырылған. Бүгінгі күні облыста аумақты абаттандыру барысында қарды уақытылы жинамау фактілері бойынша 22 тұлға әкімшілік жауапкершілікке тартылды.
Елмұра АСХАТҚЫЗЫ,
zhaikuni.kz
Версия для печатиСоңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу