КіруШИРЕК ҒАСЫРҒА ЖУЫҚ ҚОЛТАҢБА
«Отделстрой» компаниясы мен оның жетекшісі Валентина Павловна Михно туралы естімеген адам кемде-кем шығар. Өңіріміздегі сәні мен келбеті келіскен зәулім-зәулім ғимараттарға қарап-ақ тәжірибелі құрылысшы, үш шақырылым қалалық мәслихат депутаты Валентина Павелқызының тындырымды тірлігін көруге болады. Байырғы құрылысшының өнегелі өміріне, қажырлы қызметтеріне қызығатын жерлестеріміздің де қарасы қалың. «Еңбек – әлемнің әміршісі» демекші, халыққа қалтқысыз қызмет етуді – басты мұрат еткен Валентина Михно ширек ғасырға жақын бұл болмысынан әлі күнге бірде-бір рет ауытқыған емес.
Кейіпкеріміз 45 жылдан бері басшылық ететін «Отделстрой» құрылыс-коммерциялық фирмасы» ЖШС жөндеу және қайта құру, қоғамдық, тұрғын үй және өндірістік ғимараттар мен құрылыс жұмыстарын белсенді жүзеге асырып, қарқынды дамып келе жатқан компания. Серіктестік өз тарихын 1974 жылы 1 шілдесінде бастаған. Осы жылдар бойы экономикадағы болып жатырған өзгерістерге қарамастан, кәсіпорын заман талабына сай және бәсекеге қабілетті. Өңіріміз құрылыс саласы бойынша алдыңғы қатардан орын алып отыр. Бүгінде 2000-нан аса құрылысшы осы компаниядан нәпақасын тауып жүр.
Құрылысшы – адамзат өркениетінің бастауында тұрған мәртебелі мамандық. Бұлай деуімізге әлемнің қай түкпіріне барсаңыз да құрылыс жұмыстарының бір сәтке де бәсеңдемейтіні, зәулім ғимараттардың бой көтеріп, адамзат игілігіне айналып жатқаны және құрылысшылардың қолынан шыққан, сан ғасыр өтсе де өз құндылығын жоғалтпаған туынды- лар толықтай дәлел бола алады. Міне, осындай жауапкершілігі зор мамандықты меңгеріп, кәсіби тәжірибесін кейінгі буынға үйретуден жалықпаған Валентина Павелқызының құрылыс саласындағы еңбек өтілі 48 жыл болса, ұйымдастырушылық қабілеті айқындалған, жұмыстың көзін білетін құрылысшы ретінде табан аудармастан 45 жыл «Отделстрой» компаниясымен бірге.
«Әкемнің ізін жалғадым»
– Әкем Павел белгілі құрылысшы болды. Ал анам адал еңбек етудің үлгісін көрсете білген қарапайым аспазшы еді. Кішкентайымнан отбасылық дәстүрді, яғни әкемнің ізін жалғастыруды армандадым. Осы мақсатпен Орал құрылыс техникумын бітірсем, кейін Саратов политехникалық институтын тәмамдап, инженер-экономист дипломын алдым. Алғашқы еңбек жолымды «Тұрғынүйқұрылыс» компаниясында бастап, кейін осы кәсіпорын базасында құрылған «Отделстрой» ӨК-іне ауысып, осы жерде 45 жылдан астам уақыт еңбек етіп келемін. Алғашында компания әрлеу жұмыстарымен айналысты. Мен 1971 жылы ең бірінші жұмысымды осы жерде маляр болудан бастадым. Кейін бас есепші болсам, одан соң директорлыққа ұсынды. Ол кезде өзімізде қосалқы мердігерлердің көмегіне жүгінетінбіз. Қаладағы сан мыңдаған шаршы метрді құрайтын құрылыс нысандарында «отделстройлықтардың» қолтаңбасы бар. Көз алдымда өңіріміз көркейіп келеді. Құрылысшылардың бәрі де өз ісінің майталмандары. Кәсіби емес мамандардың құрылыс саласында еңбек ете алмайтыны түсінікті. Тіптен «Тұрғынүйқұрылысжинақбанкі» арқылы баспанаға қол жеткізгісі келетіндердің көбісі біздің компанияның тұрғызған үйлерін алуға тырысатындарын біліп, еңбегіміздің нәтижелі екеніне марқаямын, – деді тәжірибелі құрылысшы бізбен әңгімесінде.
Кәусар БАЙҒАЛИЕВА
Жалғасын «Жайық үні-Жизнь города» газетінің №30 санынан оқи аласыздар
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу