Кіру«Үш би командасы» жүлдегер атанды!
Осы қазан айының 22- сі күні Академик Е.А. Бөкетов атындағы Қарағанды университетінің ұйымдастыруымен Қазақстан Республикасының Конституциясы мен мемлекеттік рәміздерінің негіздерін білуге арналған онлайн олимпиада өткізілген болатын. Үш турдан тұратын олимпиадаға Республикамыздың барлық аймақтарынан 30 жуық жоғарғы оқу орны мен соның ішінде 20 мемлекеттік жоғарғы оқу орындарынан 25 команда қазақ және орыс тілінде қатынасты. Тақырыпқа сай, студент жастарды патриоттық тәрбиеге тәрбиелеу, ҚР Конституциямыздың негіздері туралы білімдерін тереңдету мақсатын көздеген олимпиадада студент жастар 3 тур бойынша, яғни 1-ші турда ҚР 1995 жылғы Конституциясын қабылдаудың мақсаты мен міндеттері, 2-ші турда ҚР Конституциямызға сәйкес еліміздегі отбасындағы бала тәрбиесі мен ата-ана құқықтары мен міндеттері, 3-ші турда мемлекеттік рәміздерді күнделікті өмірде пайдаланудың проблемалары мен шешу жолдары туралы жаңашыл тәсілдер мен өз ұсыныстарын, ойларын ортаға салды. Олар берілген тақырыпты қызу талқылады. Аталған додаға Орал қаласындағы Қазақстанның инновациялық және телекоммуникациялық жүйелер университетінің «Құқықтану» мамандығының 1 ші курс студенттері Абатова Анель, Маратов Ислам, Мұқатай Талиға «Үш би» командасы құрамында өз өнерлерін көрсетсе, орыс тобынан «Правозащитники» командасы болып 2 курс студентері Грищенко Татьяна, Кирилова Юлия, Зинкин Александр, Сариев Адиль қатынасты. Ұйымдастырушы оқу орнының ғалымдары мен тәрбие бөлімінің мамандарынан құралған әділ-қазылар алқасы «Үш би» командасын жоғары бағалап, жүлделі 1-ші орынға лайық деп шешті. Орыс топтары арасында «Правозащитники» командасы 3орынды қанжығалы на байлады. Азулы командалар арасынан үздік атану студенттеріміздің мықты білімі мен ойларының ұшқырлығы деп есептейміз. Болашақтарынан зор үміт күттіретін, жалынды студент жастарымызды жетістіктерімен шын жүректен құттықтаймыз!
«КазИИТУ» білім-ғылым кешені.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Батысқазақстандық полиция қызметкерлеріне гуманитарлық көмек жіберілді
Пікір үстеу