КіруСОЛТҮСТІК-ШЫҒЫС 46, 46/1-ҮЙЛЕРДІҢ АУЛАСЫ ЖАҢА КЕЙІПКЕ ЕНЕДІ
Қаладағы Солтүстік-шығыс 46, 46/1-үйлердің ауласын абаттантандыру жұмыстарын «Айдана» ЖШС бүгін ғана қолға алыпты. Қазір мұнда балалар ойын, спорт алаңқайларын, аулаішілік жолдар салу жоспарланған. Кеше қала әкімі Абат Шыныбеков аталмыш мекенжайдағы құрылыс жұмыстарының барысымен танысып, тұрғындармен жүздесті.
Серіктестік басшысы Аветик Амирханян биыл қаладағы 12 аула аумағын абаттандыруды жоспарлап отырған көрінеді. Әзірге, төрт аулада жұмыстар басталған. Қазір қос үйдің ауласында аула жолын кеңейту және балалар ойын алаңшасының орнын дайындау жұмыстары қарқын алған. Мұнда бұрын балғындар ойнайтын алаңша болмаған. Оны сұрап талай табалдырықты тоздырған тұрғындар биыл талап тілектерінің орындалғанына қуанышты. Аула абаттандырылып, заманауи ойын элементтері мен орындықтар, қоқыс тастайтын құтылар орнатылмақ. Сондай-ақ автотұрақтар орнын салу, жарықтандыру жоспарланған. Аула тұрғыны Балғазы Мирасбектің айтуынша, орындықтарды есіктің алдына емес, қашыққа салған жөн. Бұл орайда мердігер құрылыс жұмыстарын тұрғындардың пікірімен санасып, келісе отырып жасайтынын жеткізді. Ал қала әкімі Абат Абайұлы ауладағы құлағалы тұрған ескі ағаштарды кесу бойынша тапсырмалар берді.
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу