КіруСАНИТАРЛЫҚ ТАЗАЛЫҚ АЙЛЫҒЫ ЖАРИЯЛАНДЫ
Орал қаласы әкімдігі 5 наурыздан бастап 16 мамырға дейін тазалық айлығын жариялады. Сәрсенбі күні қала басшысы Абат Шыныбеков шаһардағы кәсіпкерлік субъектілері мен мекеме-ұйым басшыларын және ПИК жетекшілерін жинап, қала бойынша жарияланған санитарлық тазалық айлығына белсене қатысуға шақырды.
– Көктемнің ерте шығуына байланысты тазалық шаралары ерте басталуда. Қаланың тұрғыны ретінде оның тазалығына әрқайсымыз жауаптымыз. Әр мекеме-ұйым өкілдері әкімдіктің ұсынысын оң қабылдап, сенбіліктерге атсалысады деп сенеміз. Жақын күндері – «Көрісу айт» және «Наурыз» мерекелері аталып өтіледі. Қос мейрамның қарсаңында әр мекеме ұжымы өз аумақтарын ретке келтіріп, әрлендіруі керек, – деді шаһар басшысы Абат Абайұлы.
Қала әкімінің орынбасары Мирас Мүлкәйдің баяндауынша, сенбілік 14, 28 наурыз, 4, 11, 18, 25 сәуір және 2, 16 мамырда өтеді. Алғашқы сенбілікте – аумақты жаппай тазалау жүргізілсе, 28 наурыз бен 4 сәуірдегі сенбіліктер – көшеттер отырғызу, 11, 18 сәуір – жаппай тазалық, 25 сәуір – тазалық, қасбеттерді сырлау мен әктеуге арналмақ. 2 мамырда – «Таза жағалау» акциясы өткізілсе, қорытынды сенбілікте – жаппай тазалық жүргізу жоспарланған.
Соңғы жаңалықтар
«Мерейлі отбасы-2024» ұлттық конкурсының қалалық кезеңі өтеді
Пікір үстеу