КіруСАЯБАҚТАҒЫ КӨҢІЛДІ КҮН
Балаларды қорғау күні қарсаңында Орал қаласы әкімдігі мүмкіндігі шектеулі балаларға мерекелік демалыс сыйлады. Мерекеге арнайы шақырылған балғындарды қалалық мәдениет және демалыс саябағы алдында Ж.Досмұхамедов атындағы жоғары педагогикалық колледжінің студент-еріктілері қарсы алды.
Мерекелік шара қала әкімдігі мен қалалық мәслихаттың бастамасымен ұйымдастырылып, жеке кәсіпкерлер қолдау көрсетті. Алдымен аниматорлардың қатысуымен көңілді концерт ұсынылды. Балалар да ортаға шығып, думанды мерекеде мейірім мен қамқорлыққа бөленді. Қала әкімінің орынбасары Бақытжан Нарымбетов, қалалық мәслихат хатшысы Аққали Үмбетқалиев балалардың ортасынан табылды.
– Жаздың бірінші күніне дәл келетін, балаларды қорғау күнін бүкіл әлем 1950 жылдан бастап атап өтеді. Оны өткізу туралы шешім 1949 жылдың қараша айындағы Халықаралық демократиялық әйелдер федерациясының арнайы сессиясында қабылданған болатын. БҰҰ бұл бастаманы қолдап, балалардың құқықтарын, өмірін және денсаулығын қорғауды өз қызметінің басымды бағыты деп жариялады. Содан бері міне, 70 жылға жуық маңызы зор осы мереке аталып өтіледі. Балалар – болашағымыз, үкілеген үмітіміз. Ертеңіміздің дендері сау, әр күндері жарқын болсын деп тілеймін. Балғындарымыздың балалық шағы ұмытылмас сәттерге толы болғай, – деп қала әкімінің орынбасары Бақытжан Хаберұлы ізгі тілегін білдірді.
Қалалық жұмыспен қамту және әлеуметтік бағдарламалар бөлімінің мәліметінше, Орал қаласында 16 жасқа дейінгі 1295 бала бар. 16-18 жас аралығындағы мүгедектер саны – 113. Биыл бөлім арқылы 310 мүгедек балаға көмек көрсетіліп, техникалық көмекші құралдармен, медициналық-әлеуметтік мекемелерде және үйде күтім көрсету жағдайындағы әлеуметтік қызметтермен қамтылған. Бес бала санаторлық-курорттық емделуге жіберілген. Жеке оңалту бағдарламасы негізінде 18 жасқа толмаған психоневрологиялық патологиясы бар және тірек-қимыл аппараты бұзылған 223 мүгедек бала күндізгі уақытта жартылай стационар жағдайында және үйде күтім көрсету жағдайында арнаулы әлеуметтік қызметтермен қамтылды. Қазір 2188 мүгедек баланың білім беру шығындары өтелуде.
– Көп балалы отбасыларға, жалғызбасты аналарға және мүгедек балаларды тәрбиелеп отырған отбасыларға мемлекеттік бағдарламаларға сәйкес жан-жақты көмек көрсетілуде. Мүмкіндігі шектеулі балаларды жинап шара ұйымдастырудағы негізгі мақсатымыз – оларға мерекелік көңіл-күй сыйлау. Екіншіден, осындай балғындардың өзекті мәселелеріне қоғамның назарын аудару. Мәселен, кәсіпкерлік нысандары мен қызмет көрсететін көпшілік орындар мүмкіндігі шектеулі жандарға толық қолжетімді болуы тиіс. Пандустармен, көзі нашар көретіндер үшін дабылды пернелермен қамтамасыз етілуі керек. Мүмкіндігі шектеулі жандар қоғамның бір мүшесі ретінде өмір сүру ортасын тең дейгейде пайдалана алатындай жағдай жасағынымыз жөн, – дейді қалалық жұмыспен қамту және әлеуметтік бағдарламалар бөлімінің басшысы Ерлан Ғалиев.
Қала әкімдігімен қатар қалалық мәслихат депутаттары және қалалық саябақтағы кәсіпкерлер балаларға демеушілік жасап, сыйлықтар ұсынды. Өрендер саябақтағы аттракциондарда, теплоходта серуендеп, күндерін қызықты өтікізді.
Эльмира НҰҒМАНОВА
Версия для печати
Соңғы жаңалықтар
«ӘДІЛЕТ» ПАРТИЯСЫНЫҢ КӨШПЕЛІ ШТАБЫ ЖӘНІБЕК ЖҰРТШЫЛЫҒЫМЕН КЕЗДЕСТІ
Тұрақты даму – тиімді мемлекеттік басқару мен ортақ жауапкершіліктің нәтижесі
Бөрлі ауылында «Әділет» партиясының облыстық штаб мүшелері тұрғындармен кездесті
Жаңа Қазақстан Конституциясы – Әділетті қоғамның құқықтық негізі
«Жаңа талап» мемлекеттік қызмет мектебінің жаңа оқу жылы басталды
КАЗТАЛОВ АУДАНЫНДА 2 МЛРД ТЕҢГЕНІҢ 26 ИНВЕСТИЦИЯЛЫҚ ЖОБАСЫ БОЙЫНША МЕМОРАНДУМҒА ҚОЛ ҚОЙЫЛДЫ
Конституцияның 6-бабы: саяси әралуандық пен қоғамдық тұрақтылықтың құқықтық негізі
АВТОМОБИЛЬ КӨЛІГІ ЖӘНЕ АВТОЖОЛ САЛАСЫ ҚЫЗМЕТКЕРЛЕРІ ҚҰРМЕТКЕ БӨЛЕНДІ
Болашақтың экономикасына байыппен көшуге құқықтық негіз болатын жаңа Азаматтық кодекс қабылдау қажет»
Президент Қасым-Жомарт Тоқаевтың «Жаңа тарихи кезеңдегі Қазақстанның өзекті міндеттері» атты Қазақстан халқына Жолдауы
Президент Қасым-Жомарт Тоқаев 28 қазан күні Қазақстан халқына Жолдауын жариялайды
Президент шет мемлекеттер басшыларының Ұлттық мерекемізге орай жолдаған құттықтауларына ризашылығын білдірді
ОРАЛДА РЕСПУБЛИКА КҮНІНЕ ОРАЙ МЕМЛЕКЕТТІК ТУ КӨТЕРУ РӘСІМІ ӨТТІ
Облыс әкімі Нариман Төреғалиевтің Республика күнімен құттықтауы
Жедел медициналық көмек станциясының жаңа әкімшілік ғимараты салынуда
Батыс Қазақстан облысында Республика күні қарсаңында сенбіліктер мен ауыл шаруашылығы жәрмеңкесі өтті
Мемлекет басшысы NVIDIA компаниясының негізін қалаушы және президенті Дженсен Хуангты қабылдады
«Подстепное – Федоровка – Ресей Федерациясының шекарасы»: БҚО-да автомобиль жолы пайдалануға берілді
Мемлекет басшысы Қасым-Жомарт Тоқаев Республика күніне арналған салтанатты жиында сөз сөйледі
Пікір үстеу