КіруСАҚШЫЛАР ҚЫЗ БАЛАНЫ ҚҰТҚАРДЫ
Орал қаласында полицейлер өз-өзіне қол жұмсамақ болған қыз баланы құтқарды. Оқиға кеше, 12 наурыз күні кешкі уақытта болған.
БҚО Полиция департаменті баспасөз қызметкері А.Ғұбашеваның мәліметінше, кешкі сағат 20.30 кезінде «102» пульт операторына белгісіз біреу хабарласып, Деркөл ауылы аумағындағы Шаған өзенінен өтетін көпірден қыз баланың секіріп кеткенін айтқан. Сол сәтте сол аумақта кезекшілікте жүрген Орал қаласы Полиция басқармасы патрульдік полиция батальонының қызметкерлері – полиция лейтенанты Парасат Жолбаев және полиция капитаны Ерлан Қожасов оқиға орнына келіп, айналаны барлап, сол маңайдағы саяжай қоғамының тұрғындарынан қайық сұрастырады. «Суға адам құлап түсті, көмектесу керек» деген сәтте ауыл тұрғынының бірі қайығын берген.
Полицейлер су ортасында денесі су бетінде қалқып тұрған қызға дейін қайықпен жүзіп жетіп, оны көпір астындағы бетон тасқа дейін жеткізеді. Қыздың әлі де тірі екенін білген олар саол жерде алғашқы көмек көрсеткен. Кешікпей құтқарушылар жасағы да, жедел жәрдем де шақырылды. Сақшылар қыз баланы қайыққа салып, жағаға дейін жеткізіп, дәрігерлердің қолына тапсырады.
Қыз бала 1988 жылғы Орал қаласының тұрғыны екені анықталды. Қазіргі уақытта жағдайы бір қалыпты.
Версия для печати
Соңғы жаңалықтар
Блогерлер мен БАҚ беттерінде құмар ойындарды жарнамалауға тыйым салынбақ
Астанадан Батыс Қазақстан облысына гуманитарлық көмек жіберілді
«Су тасқынынан зардап шеккендерге өтемақы төлеуде жеделдік қажет»
су тасқынының алдын алу жұмысына 1 577 техника жұмылдырылды
Пікір үстеу