СҮҢГУІРЛЕР 800-ДЕЙ БАЛАНЫ ЖҮЗУГЕ ҮЙРЕТТІ
Балаларды оқыту 35 жерде жүзеге асырылады. Жүзуге үйрету жаттығулары ашық су айдындарында, модульдік-қаңқалы және жабық бассейндерде ұйымдастырылды. Бұл туралы БҚО ТЖД бастығының орынбасары Ақылбек Ахметжанов мәлім етті.
Өңірде 19 жазғы балалар лагері бар. Алты лагерь облыс аумағындағы су қоймаларына жақын орналасқан.
– Департаменттің Жедел-құтқару жасағының құтқарушылары жағажай акваторияларының түбін тексерді. Сонымен қатар балалар лагерьлерінде судағы қауіпсіздік шаралары туралы ақпараттық стендтер орнатты. Жедел-құтқару жасағы базасында балалар лагерлерінің нұсқаушылары мен әдіскерлеріне су айдындарындағы қауіпсіздік ережелері бойынша нұсқаулықтар өткізді, – деді Ақылбек Қосманұлы.
Биылғы қыс мезгілінде жасақ сүңгуірлері бассейндерде 553 баланы жүзуге үйрету жұмыстарын жүргізді. Ал жазғы кезеңде балаларды «БҚО ТЖД ЖҚЖ» ММ маңында орналасқан 3 су айдынында, «Еуразия» туристік-сауықтыру кешені және «Самал» туристік лагерінде 280 бала жүзуге үйретілді.
Версия для печати
Пікір үстеу